Өнөөдөр гадаадад амьдарч, суралцаж байгаа Монгол улсын иргэдийн УИХ-ын сонгуульд санал өгөх эрх нээгдэж байна. Энэ жил анх удаа УИХ-ын сонгуулийн тухай заалтанд эх орондоо байхгүй, дэлхийн өнцөг, булан бүрд амьдарч байгаа иргэд сонгуульд санал өгөх эрхтэй болсон билээ.

    Өнөөдөр орон нутгийн цагаар 07-20 цагийн хооронд гадаад улсад байгаа иргэд өөрийн оршин суугаа оронд байрлаж буй дипломат төлөөлөгчийн газарт биеэр очиж, саналаа өгөх юм. Сонгогчдын өгсөн саналын хуудсыг тэндээ битүүмжлэн Сонгуулийн ерөнхий хороонд хүргүүлж, зургаадугаар сарын 28-ны өдөр эх орондоо санал өгсөн хүмүүсийн саналын хуудастай нийлүүлэн саналыг нь тоолохоор болоод байгаа юм.
   Дэлхийн олон оронд албан бус судалгаагаар 130 гаруй Монгол улсын иргэн амьдарч байгаа гэсэн тоо байдаг. Эдгээрээс 30 гаруй мянга нь шинэчилсэн бүртгэлд хамрагдаад байгаа юм. Сонгуулийн ерөнхий хорооны мэдээлж байгаагаар өнөөдөр саналын хуудас, санал авах байр гээд санал хураалтын бэлтгэл ажил бүрэн хангагдаад байгаа аж.