Сонгуулийн тухай хуулийн дагуу Монгол Улсын иргэн тавдугаар сарын 28-н гэхэд шилжилт хөдөлгөөнөө зогсоож, хороод хаягийн тулгалт хийдэг. Гэтэл зарим нэг дүүрэг, хороодод иргэдийн хаяг дээр өөр хүний нэрийг бүртгэх асуудал гарч байна. СХД-ийн 13 хороонд гэхэд оршин суугч Д-ийн өрхийн бүртгэл дээр Алтанцэцэг гэх огт танихгүй хүнийг бүртгэсэн байжээ.
    Сонгуулийн тухай хуулийн дагуу Монгол Улсын иргэн тавдугаар сарын 28-н гэхэд шилжилт хөдөлгөөнөө зогсоож, хороод хаягийн тулгалт хийдэг. Гэтэл зарим нэг дүүрэг, хороодод иргэдийн хаяг дээр өөр хүний нэрийг бүртгэх асуудал гарч байна. СХД-ийн 13 хороонд гэхэд оршин суугч Д-ийн өрхийн бүртгэл дээр Алтанцэцэг гэх огт танихгүй хүнийг бүртгэсэн байжээ. Энэ талаар дүүргийн ажилтнуудад мэдэгдсэн боловч “Мэдэхгүй  та нар өөрсдөө бүртгүүлээгүй юм уу” гэх хариу өгсөн байна.  Мөн Дорноговь аймгийн Иргэний бүртгэлийн газар гэхэд олон жил нэг хаяган дээрээ амьдарсан хүнийг өөр суманд бүртгэж тэнд нь санал өгүүлнэ хэмээн зүтгэж байгаа ажээ. Энэ талаар  Дорноговь аймгийн Мандал сумын иргэн Т.Энхтуяагаас тодрууллаа.

-Таныг яагаад Өргөн суманд бүртгээд тэнд санал өгүүлэх гээд байгаа юм бэ?

-Би өнгөрсөн оны наймдугаар сард Өргөн суманд ажлаар түр байж байгаад энэ оны гурван сард буцаад өөрийн хаяг буюу Мандал сумын 6-61 тоотдоо амьдарсан. Энэ хаяган дээр манайх олон жил болж байгаа. Гэтэл хаягийн тулгалт хийлгэсэн чинь Өргөн сумын 18 дугаар хэсэг дээр л очиж саналаа өгөхгүй бол болохгүй гээд байна.

-Танай хаяг дээр өөр хүний нэр бүртгэлтэй байгаа гэл үү?

-Тийм ээ. Хоёр хүний нэр байгаа. Ер нь сонгуулийн үеэр ингэж хүний хаяг, нэр зөрүүлж будлиантуулах явдал гараад байна. Би санал өгөх эрхтэй. Тиймээс болохгүй бол Өргөн суманд нь очиж өгдөг юм билүү гэж бодож байна. Иргэний бүртгэлийнхэн уг нь ингэж хариуцлагагүй ажиллаж болохгүй шүү дээ. Миний иргэний үнэмлэхэн дээр ч гэсэн уг нь Мандал сум  6-61 тоот гэсэн хаяг маань байгаа. Гэтэл яагаад тэнд бүртгэлд оруулаад заавал тэнд санал өгүүлэх гээд байгааг ойлгохгүй байна.