Юуны өмнө намайг таньдаг бүх хүмүүст сайн сайхан бүхнийг хүсье.
Харь оронд ажиллаж, амьдарна гэдэг тийм ч санасанаар болохгүй юм. Ядарч туйлдахын цагт уйлах, бухимдах байх л зүйл. Амьдралын эрхээр эх орноо орхин гарсан ч гэлээ бидний сэтгэл зүрх зөвхөн Монголдоо байдаг гэдгийг хэлэх ёстой. Эх оронд маань өрнөж буй сонгуулийн явц гадаад амьдарч буй бидний хувьд бас л чухал зүйл юм. Яахав бид урьдчилаад саналаа өгчихсөн л дөө. Хэдхэн хоногийн өмнө Сант маралаас нэгэн  судалгаа гаргасан байсан.

   Судалгаанаас харахад АН-д 42,4 хувь, МАН-27,9 хувь, МАХН-МҮАН-ын Шударга ёс эвсэлд 23,6 хувь гэсэн үзүүлэлт гарсан байх юм. МАН ялагдал хүлээх нь байна.
   Ямарч үед МАХН-ын нийт сонгогчдын 30-35 хувийг шууд авдаг байсан цаг саяхан. Үлдсэн 40 гаруй хувь нь яахав сонгуулийн сурталчилгааны байдлаас хамаараад л сонголтоо хийнэ . Сүүлийн 20 гаруй жил тийм л байсан. Гэтэл дээрх судалгаанаас харахад урьд авдаг байсан тэрхүү 35 орчим хувь нь 2 хуваагдсан бололтой юм.
   90 жилийн түүхтэй МАХН-ыг Хүрэлсүх, Баяр нарын буянаар өнөөдөр Хүрэлсүхийн МАН, Энхбаярын МАХН гэсэн 2 нам болчихоод байна. Манай намын л гишүүд дэмжигч нар хуваагаад байгаа нь дээрх судалгааны дүнгээс ойлгомжтой харагдаж байна. Мэдээж яасан гэж АН-ын дэмжигч нар хуваагдах билээ дээ.
   Саяхан нөгөө Энхбаярын ТВ9-өөр Эрдэнэт хотод хийсэн уулзалт гарч байсан. Иргэд үнэхээр  бухимдалтай байгаа нь харагдаж байна билээ.  
Намын нэрийг солих үед Хүрэлсүх бүх хариуцлагыг би хүлээнэ гээд л байсан. Оны өмнө Солонгост ирээд энд байгаа Монголчуудтай уулзалт хийгээд буцсан намын нөхдүүд Энхбаяр бол юу ч биш манай нам хамгийн өндөр рейтингтэй яваа, бид гацаагүй ялна энэ тэр гээд байсан. Одоо харж байхад бүгд худал болж таарч байна.
  Намын жагсаалтанд дээгүүр бичигдсэн Хүрэлсүх чи сонгуулийн дараа УИХ гишүүн болох уу.  Эсвэл эр хүн шиг албан тушаалаас татгалзаж, хариуцлага хүлээх үү?
Жоомоо алах гээд гэрээ шатааж болохгүй гэсэн үг ч бас байх. Харин чи хариуцлагаас битгий зугтаачихаарай даа.


Хэн зугтааж, Хэн хичээж байгаа гэж?
    Өө интернет харж байсан чинь МАН-ын “зугтааж биш зүтгэж, үгүйсгэж биш хичээж Эх орондоо сайхан амьдарцгаая” гэсэн уриаг гэнэт дургүй хүрдэг байна шд.
   Эх орондоо сайхан амьдарцгаая гэсэн уриа эхэндээ байсан шүү дээ. Зүгээр л байдаг уриа санагдсан, зарим нэг хүмүүс ИЗНН-ын “Монголдоо сайхан амьдаръя” гэсэн уриаг хуулсан байна энэ тэр гээд байхаа бичээд байсан. Гэхдээ надад нэг их сүртэй санагдаагүй л дээ тэр үед.
Тэгсэн энэ “зугтааж биш зүтгэж, үгүйсгэж биш хичээж” гэсэн уриаг хараад бүүр нэг эгдүүцэл төрөөд байнаа. Хэнийг зугтсан, хэн үгүйсгэсэн гээд байгаа юм бэ? 1990 оноос хойш 22 жил тасралтгүй төр барьчихаад өөрсдөө хичээгээд улс Монголоо босгоод ирэхгүй яасан юм бэ? Зугтаасан ч гэх шиг. Яасан зайлцсан амьтад гэхээр ийм байдаг байнаа.
Харийн оронд адлагдан амьдарч байгаа биднийг хэлээд байгаа юм байна гэсэн бодол төрөөд байнаа?

Тэр МАН-ын ноходоос асуумаар санагдчихлаа. Та нарын хэд нь харийн улсад хар бор ажил хийж үзсэн бэ. Та нарын хэн нь монголд ажилчин ангийн эгнэээд байсан бэ? Зүгээр л төрөөс төрсөн тэрбумтанууд, цагаан гартангууд. Зайл цаашаа. Миний санаж байгаагаар гадаадад байгаа Монголчууд ах дүү, аав ээж, эхнэр хүүхдүүд рүүгээ гуйвуулсан мөнгө улсын вальютын нөөцийн ихэнхийг бүрдүүлж байсан цаг бий. Одоо ч тэр л хэвээр байгаа байх. Хэн нь хичээж байгаа юм шиг байна тэгээд.
   Улс орныхоо аль өнгөтэй өөдтэй, ирээдүйтэй гэсэн бүхнийг гадаадын хөрөнгөтөн нарт зарж, авилга авч, хөрөнгө шамшигдуулж, хүний амиар тоглож байгаа посткоммунистууд зайлаасай билээ.
Монгол хүний үнэ цэнэ, хөдөлмөрийн үнэлэмжийг миний байгаа энэ газар ч бас багаар үнэлдэг. Гэхдээ Монголд байгаагаас хэдэн арав дахин илүү гэдгийг хэлмээр байна. Энд хүний эрхийг дээдэлдэг, Монголд хөрөнгийн хэмжээг дээдэлдэг.
  Бид энд зүтгэж, сайхан амьдралын төлөө хичээж байхад та нар Монголд татварын мөнгө, гадны хөрөнгөөр сонгууль хийж ард түмний толгойг угааж байна. Баясан тарвалзаж байна. Миний эх орон сайхан ч, харийн нутгаас харахад даанч дээ гэж харагддаг юм. Тэр коммунистуудыг өмгөөлөөд, хамгаалаад байгаа хүмүүс нэг л зүйлийг хэлье. Эх орон маань гаднаасаа ямар харагдаж байгааг, өөрийн тань амьдрал ямар байгааг даргынхаа амьдарч байгаа гэрийг өөрийнхтэйгөө харьцуулаад үзээрэй. Эх орон маань тйим л харагддаг юм.
    Зугтааж биш зүтгэж
    Үгүйсгэж биш хичээж Эх орондоо сайхан амьдарцгаая гэчихжээ. Үнэн уур хүрчихлээ.....
Ширхэг талх ямар үнэтэйг мэдэхгүй, шорвог ус чихэр 2-ыг ч ялгахгүй амьтад.