Өнөөдөр хэвлэл мэдээллийн зах зээлд тэргүүлдэг “Нью-Иорк Таймс” сонины цахим хувилбар cn.nytimes.com хятад хэлээр гарч эхэллээ. Энэ сайтад ихэнхидээ “Нью-Иорк Таймс” сонины мэдээллийг орчуулан тавих юм.  
    Хятадад 500 сая, түүнээс ч илүү интернэт хэрэглэгч байдаг ч Засгийн газар нь хяналт тавьдаг. Тиймээс тус сонины газар зах зээлээ тэлэхийн тулд мэдээллээ хятад хэлээр гаргахаар болсон байна.

    “Нью-Иорк Таймс”-ын гадаад хэвлэл хариуцсан редактор Жозеф Каан “Бид Хятадын Засгийн газрын захиалгаар ийм шийдвэр гаргаагүй. Тэгээд ч манай байгууллага Хятадын компани биш. Тиймээс бидний мэдээ, мэдээлэд ямар нэгэн цензур тавихыг зөвшөөрөхгүй. Харин манай зүгээс сэтгүүл зүйн ёс зүй, дүрэм журмыг баримтлан ажиллах болно” гэж мэдэгджээ.
   Үүнээс гадан цахим хувилбараа хятад хэлээр гаргаснаар тус улсын том компаниудын реклам, сурталчилгааг татах боломжтой гэж тооцоолжээ.

  "Нью-Иорк Таймс" сонин өмнө нь Хятадын Засгийн газрын интернэт орон зайд тавьж байгаа хяналтыг шүүмжилсэн хэд хэдэн өгүүлэл нийтэлж байсан юм.