Нийт нутгаар орсон аянга, цахилгаантай бороо олон айлд хор хохирол учруулжээ. Тухайлбал, Дундговь аймгийн Эрдэнэдалай сумын хоёрдугаар багийн нутаг Өнгөт гэдэг газарт зусч байсан айлыг аянга ниргэсэн байна. Сумын төвөөс 22 км зайд оршдог Х-ийн гэрийн тооноор аянга бууж, гэрт нь байсан 5-6 хүн түлэгдсэн гэсэн мэдээлэл байна. Мөн тус сумын дөрөвдүгээр багийн Хөөврийн гол гэдэг газар аянга буужээ. Үүний улмаас сутын соёлын төвийн дээвэр хуурч, Засаг даргын Тамгийн газрийнх нь байшин дээр унасан байна. Түүнчлэн сумын уурын зуухны найман метр орчим өндөр яндан тасарч, холбооны нэг шонгийн утас, дагалдах хэрэгсэлийн хамт унасан, холбооны станц суурилсан антенны троссууд тасарсан аж. Мөн Асгат багийн хойд салаанд нэг айлын гэр хийсч, эвдэрсэн тухай мэдээллийг Архангай аймгийн Онцгой байдлын хэлтсээс ирүүллээ.Ц.Болор
