УИХ-ын гишүүн асан Кёкшүзан Д.Батбаяр өөртэй нь холбоотой гэх оффшор дансны талаар Зууны мэдээ сонины Үндэсний мэдээллийн төвд залруулга хийлээ.

Тэрбээр Монголчууд оффшор дансны тухай буруу ойлголттой байдаг. Хууль бус, хүний болон зэвсгийн наймаа, хар тамхи, терроризмтэй холбоотой гэж ойлгодог учраас энэ асуудалтай холбоогүй гэдгээ өнөөдөр хэвлэлийн хурал зарлан мэдэгдэж байгаагаа илэрхийлэв.

Мөн энэ үеэр   өнгөрсөн Ням гарагт Mонгол HD телевизийн Оргил цаг мэдээллийн хөтөлбөрөөр гарсан оффшор дансны талаар мэдээллийг үзүүлсэн юм. Өнгөрсөн тавдугаар сард гарч эхэлсэн оффшор дансны талаар мэдээлэл өөрийнх нь нэрээр анхлан гарч эхэлснийг хэлэв.

Ингэснээр сонгуульд нэр дэвших эсэх, хөрөнгө оруулалтын тал дээр ч асуудал хөндөгдөж байсан гэдгийг Д.Батбаяр онцолсон. Тухайн үед Монгол HD телевизээр гарсан уг нэвтрүүлгийн дараа тэрбээр хуулийн байгууллагаас эхлэн Авлигатай тэмцэх газарт хандсан бөгөөд шалгах боломжгүй гэсэн хариу өгсөн байна.

Учир нь тухайн үед зодог тайлаад удаагүй, албан тушаал хашаагүй учраас шалгах боломжгүй гэжээ. Өнгөрсөн долоо хоногт Mонгол HD телевизээр гарсан нэвтрүүлгээр Даваагийн Батбаяр гэдэг хүн нь өөрөө биш, Орхон аймгийн ИТХ-ын гишүүн болохыг гаргасан гэдгийг хэлсэн юм.

Харин  Кёкшүзан Д.Батбаярын талаар  өнгөрсөн хавар Олон улсын эрэн сурвалжлах сэтгүүлчдийн дэлгэсэн Панамын материалд Монгол Улсаас 49 хүний нэр илэрсэний дотор УИХ-ын гишүүн асан, Кёкүшюзан Д.Батбаярынхтай ижил нэртэй иргэн Их Британийн Виржини аралд байрлалтай “Impox”, “Gumax”, “Abros” компаниудад хувьцаа эзэмшдэг нь илэрсэн байдаг.

 Түүнчлэн дээрх асуудалтай холбоотойгоор АТГ, Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст  хүсэлт гаргаж, өөрийгөө оффшор данстай эсэхийг шалгаж өгөх хүсэлт гаргасан байна. Эрүүгийн цагдаагийн газраас шалгалт хийгээд Их Британийн Виржини аралд байрлалтай “Impox”, “Gumax”, “Abros” компанид Кёкүшюзан Д.Батбаярт хамааралгүй болох нь тогтоогдсон гэх хариулт ирүүлжээ.