Томоохон шоу нэвтрүүлгүүдийг Монгол Улсдаа нутагшуулж байгаа телевизийн “The Voice of Mongolia” шоуны халз тулаан үргэлжилж байна. Үзэгчдийг байлдан дагуулах уг шоуны оролцогчдын тулаанч ширүүхэн өрнөсөөр. Шүүгчид хэнийг нь авч үлдэх вэ гэдэг дээр сонголт хийх гэж багагүй асуудалд орж байгаа нь илт. Өчигдрийн дугаарт шүүгч Д.Уламбаяр, Д.Болд нар хамгийн  хэцүү сонголтыг хийсэн хэмээн сошиал ертөнцөөр шуугиж эхлэв. Д.Болдыг хэцүү сонголт хийлгэсэн оролцогчид нь Ж.Ариунжаргал, С.Идэрмаа нар байлаа. Шалгуурт тэнцэж, тулаанд ялах, ялагдахыг шийдэх дуу нь "Little Mix" хамтлагийн “Shout out to  my ex” дуу байсан.

Сонголт мэргэн байсан уу, эсвэл гэх зүйл ч яригдаж байгаа. Гэхдээ шүүгчийн сонголтоор Ж.Ариунжаргал тэмцээнийг цааш үргэлжлүүлэх эрхээ авсан юм. Харин С.Идэрмаа хасагдсан билээ. Тэрбээр ямар нэгэн олон зүйлийн тайлбар тавьж, гомдол хэлэлгүй, шүүгчийн сонголтыг хүндэтгэж байна гэдгээ илэрхийлэн тайзнаас буусан. Шүүлт хийсэн Д.Болд өөрийн цахим хуудсаар дамжуулан С.Идэрмаагаас болсон явдлын төлөө уучлалт гуйжээ.