Авлигаас ангижрах гарц нь   зөв байгаасай билээ

 АТГ-ын дарга, дэд даргад нэр дэвшүүлэн томилуулах асуудлаар иргэдээс авч буй санал  авах хугацаа  өнөө орой  22:00 цагаар тасалбар болно. Эзнээ тогтоодоггүй  төрийн  томилогоотой  гэж хэлж болох энэ байгууллагын хувь заяаг атгах хоёр нөхөр  маргааш өглөө тодрох учиртай. Өөрөөр хэлбэл, Монгол Улсын  Ерөнхийлөгчийн олж харсан авлигаас ангижрах гарц нь олон нийтийн санал асуулгад нэр нь  хамгийн олон давтагдсан хоёр нөхрийг  АТГ-ын дарга, дэд даргын  сэнтийд  залах явдал.  

Нэр дэвшигчдийн тухайд   “Авлигын эсрэг хуульд зааснаар АТГ-ын даргад нэр дэвшигч нь төрийн албанд 15-аас доошгүй жил ажилласан, 45 нас хүрсэн, эрх зүйч мэргэжилтэй, удирдах болон мэргэжлийн ажлын мэдлэг туршлагатай, сүүлийн таван жил улс төрийн албан тушаал эрхэлж байгаагүй хүн байх ёстой бол  АТГ-ын дэд даргад нэр дэвшигч нь төрийн албанд 10-аас доошгүй жил ажилласан, эрх зүйч мэргэжилтэй, гүйцэтгэх болон мөрдөн байцаах ажлын мэдлэг туршлагатай, сүүлийн таван жил улс төрийн албан тушаал эрхэлж байгаагүй гэсэн шаардлагуудыг хангасан  байх  учиртай.   Өнөөдрийн өндөрлөгөөс харахад, энэ шалгуурыг хангахуйц олон хуульч манайд бий ч  АТГ-ын дарга, дэд дарга болохоор сайн дураараа нэрээ дэвшүүлэх зоригтой аавын хүү  тийм ч олон биш байгаа  бололтой.  Зуун чавганц уралдахад  нэг нь түрүүлдэг гэдэгчлэн  хоёр нэр дэвшигч тодорч л таарна.

Харин олны дэмжлэг авч, Монгол Улсын Ерөнхийлөгчийн нэр дэвшүүлсэн тэр хоёр хүн УИХ-ын чуулганы танхимын босгыг давах эсэх нь эргэлзээтэй.  АТГ-ын одоогийн даргыг албан тушаалаас нь чөлөөлөх, Ерөнхийлөгчийн санал болгосон хүнийг томилох эрх бүхий институт нь УИХ. Тэгэхээр  парламентын гишүүд  хуулиа баримталж байна аа гээд   одоогийн дарга Х.Энхжаргалыг авч үлдэхийг үгүйсгэх аргагүй.  УИХ-ын дарга М.Энхболд “АТГ-ын өнөөгийн дарга Х.Энхжаргалыг үргэлжлүүлэн ажиллуулна” гэсэн мессэжээ нийгмийн сүлжээгээр хэдийнээ цацаад амжсан.

Монгол Улсын Авлигын эсрэг хуулийн 21-р зүйлийн 21.1-д  Авлигатай тэмцэх газрын дарга, дэд даргыг Ерөнхийлөгчийн санал болгосноор  УИХ  зургаан жилийн хугацаанд томилно” гэж заасан байдаг.  УИХ-ын гишүүд хуулиа барина гээд зүтгэх аваас  2016 онд томилогдож  2022 онд хугацаа нь дуусгавар болох ёстой  Х.Энхжаргал суудалдаа үлдэнэ.  Харин Ерөнхийлөгчийн санал санаачлагыг дэмжихээр болбол  олонхийн санал авсан хоёр нөхрийг  УИХ  хэлэлцэж таарна.  Нам, эвсэл, бүлэг фракцаараа талцан доороо дэвхцэж буй 76 эрхмийг давж гарна гэдэг нэр дэвшигчдийн хувьд  буцламгай халуун усыг нэг амьсгаагаар залгихтай адил  байж мэднэ.   АТГ бол Монгол Улсын Ерөнхийлөгчийн шууд удирдлага дор ажилладаг байгууллага. Тэр утгаараа Монгол Улсын Ерөнхийлөгч хүчтэй, шударга ажиллаж байгаа эсэхийг АТГ-ын үйл ажиллагаагаар дүгнэх нь гарцаагүй.  Үнэн хэрэгтээ  Монгол Улс   хөгжил дэвшлээрээ бус авлига, хээл хахуулын хэргээрээ дэлхийн чихийг   байсхийгээд дэлдийлгэх болов.  Хамгийн сүүлд гэхэд, Оюутолгойн гэрээ болон уулын баяжуулах “Эрдэнэт үйлдвэртэй холбоотой асуудалд Ерөнхий сайд, сангийн сайд нар нь холбогдсон явдал.  Шулуухан үнэнийг өчихөд энэ хэрэг шударга шийдэгдэх нь юу бол. Нийгэм яах бол хүсч хүлээхээсээ илүүтэй “ Энэ хэрэг мөдхөн замхарна, харж байгаарай” гэсэн өнцгөөс

 Ч.Чулуунцэцэг