Монгол Улсын Ерөнхийлөгч Х.Баттулга болон Монголын Хоккейн холбооны урилгаар ОХУ-ын төрийн Думын гишүүн, тус улсын Хоккейн Ерөнхийлөгч Владислав Александрович Третьяк манай улсад айлчилж байна.
Түүнийг хоккейн спортын домог гэдгээр нь Монголын хоккей сонирхогч, тоглогчид мэддэг юм. Тодруулбал, тэрбээр олимпийн наадмын гурван удаагийн аварга, мөнгөн медальт, дэлхийн арван удаагийн аварга тус тус болж байв.
Түүний айлчлалын хүрээнд УИХ-ын гишүүн, Монголын Хоккейн Ерөнхийлөгч Б.Жавхлан болон бусад гишүүд Третьякийг Монголын хөгжөөн дэмжигч, уг спотоор хичээллэдэг тамирчидтай уулзуулахаар хурал зохион байгууллаа.
Энэ үеэр ОХУ болон Монгол Улсын урт хугацааны тогтвортой хамтын харилцааг хөгжүүлэх, үйл ажиллагааны бүхий л салбарт харилцан ойлголцох, туршлага солилцох, хоккейн спортыг Монгол Улсад хөгжүүлэх, хамтран ажиллах “Харилцан ойголцол”-ын санамж бичигт гарын үсэг зурсан юм.
УИХ-ын гишүүн, Монголын Хоккейн Ерөнхийлөгч Б.Жавхлан “ОХУ нь хоккейн хөгжлийг дэлхий нийтэд түгээн дэлгэрүүлэгч орон юм. Энэ удаагийн айлчлал Монголын хоккейн хөгжилд өөрчлөлт оруулах онцгой үйл явдал тохиож байна. Манай улсаас өвлийн спортын тэмцээнд дэмжлэг байдаггүй. Бид Холбооноосоо санхүүгээ гарган, тамирчдаа цуглуулан ажилладаг. Жилдээ хоёр сар бэлтгэл хийдэг учраас манай тамирчид гаргаж болох дээд амжилтуудаа гаргасан гэдгийг хэлье.
ОХУ-ын төрийн Думын гишүүн, тус улсын Хоккейн Ерөнхийлөгч Владислав Александрович Третьяк “Манай хоёр улс бол найрамдлын харилцаатай улсууд. Орос улсад энэ нь үндэсний спорт юм. Манай улсад 560 орчим Хоккейн талбай байдаг. Ойрын таван жилд нэмж 400 мөсөн талбай нэмж барихаар төлөвлөж байна. Оросод иргэд алжаал тайлах зорилгоор их тоглодог. Мөн хоккейг хөгжүүлэх зорилгоор манай улсаас маш их ажлуудыг хийж байгаа. Өнөөдөр хамтын ажиллагааны гэрээнд гарын үсэг зурж байна. Энэ ажлын хүрээнд олон төрлийн сургалт, семинарыг зохион байгуулна. Өөрсдийнхөө туршлагаас хуваалцахад бэлэн байна” гэдгээ хэллээ.
Тэрбээр цааш ярихдаа хоккейн спортын хөгжүүлэхийн тулд байнгын бэлтгэлд байж, жилийн дөрвөн улиралд ашиглах мөсөн талбайтай болох шаардлагатай байна. Миний очсон газар бүр шинэ хоккейн талбайтай болчихсон байдаг. Энэ удаагийн айлчлал ч мөн ийм үр дүнтэй байгаасай гэж найдаж байна. Өнөөдөр Монгол Улсын Ерөнхийлөгч Х.Баттулгатай уулзах гэж байна. Энэ үеэр Монголын хоккейн хөгжлийн тухай болон хаалттай мөсөн талбайн талаар ярилцах байх гэж найдаж байна гэв.
Манай улсын хоккейн хөгжил 50 гаруй жилийн түүхтэй байна. Манай улсад стандартад нийцсэн хоккейн талбай байдгүйгээс үүдэн бэлтгэлээ зөвхөн өвлийн хоёр сард хийдэг гэдгийг онцолж байна.
Харин Чех улсын хөгжлийн агентлагаас манай улсад хоккейн талбай байгуулах хөрөнгийг шийдэж өгөөхөөр болжээ. Мөн Нийслэлийн Засаг дарга С.Батболд газрын асуудлыг шийдэж өгөхөө амлажээ. Түүнчлэн манай улсын хувийн хэвшлийнхэн Канад улстай хамтран спортын битүү дээвэртэй цогцолбор барихаар ажиллаж байгаа аж.
Б.Лхам
