Олон намын тогтолцоонд шилжсэнээс хойшхи парламентын түүхэнд парламентад суудалтай байсан хэдхэн намын нэг нь ИЗНН. Тус нам үүсэн байгуулагдсан цагаас хойш С.Оюун, С.Дэмбэрэл нар ИЗНН-аас нэр дэвшин УИХ-ын гишүүн болж байсан юм. ИЗНН-ыг нэгэн үе парламентын нам гэгдэхэд чухал үүрэг гүйцэтгэж байсан тус намын үүсгэн байгуулагч, УИХ-ын гишүүн асан С.Оюун саяхан намын гишүүнчлэлээсээ татгалзсан ажээ. Энэ талаар ИЗНН-ын генсек асан Г.Ганбат твиттэр хуудсаараа мэдээллэжээ.

Үүнтэй зэрэгцэн тус намын талаар бас нэгэн мэдээлэл сошиалаар түгсэн нь “Босоо хөх Монгол” Төрийн бус байгууллагатай хамтран ажиллахаар болсон тухай тус ТББ-ын тэргүүн П.Шинжээнравдан мэдээллэсэн юм. ИЗНН, “Босоо хөх Монгол” ТББ хамтран УИХ-ыг тараахаар тэмцэхээр болсон тухай тэрбээр хэлсэн билээ. Тус ТББ-ынхныг хүлээн авч уулзсаж, хамтран ажиллахаар болсон хүн нь ИЗНН-ын дэд дарга Ц.Энхтуяа аж. Тэрбээр өнгөрсөн нэгдүгээр сард болсон Үндэсний хорооныхоо хурлаар дэд даргаар сонгогдсон юм. ИЗНН-ын дэд дарга Ц.Энхтуяа нь Ерөнхийлөгч Х.Баттулгын албан ёсны гэргий нь билээ.

Р.Хишигжаргал