Өнгөрсөн ням гаригт хоёр аймаг, таван суманд нөхөн болон дахин сонгууль явагдав. Сонгуулийн тухай хуульд нөхөн сонгуулийн санал хураалтыг жил бүрийн зургадугаар сарын сүүлийн ням гараг, аравдугаар сарын эхний ням гарагт улс даяар нэгдсэн журмаар явуулахаар заасан байдаг.
Тэгвэл нөхөн болон дахин сонгууль явуулж байгаа аймаг сумдаас хамгийн их өрсөлдөөнтэй болсон нь Сүхбаатар аймгийн ИТХ-ын сонгууль байв. Нөхөн сонгуулиар Ж.Батсуурь ялалт байгуулсан юм.
Тодруулбал, Ж.Батсуурь нь 2016 оны УИХ-ын сонгуулийн 24-р тойрогт Сүхбаатар аймагт АН-аас нэр дэвшиж байсан ч, МАН-аас нэр дэвшигч Ч.Улаанд өвдөг шороодож байсан. Харин энэ удаа ИТХ-ын нөхөн сонгуульд нийт санлын 70 хувиар сонгогдоод байна.
Нөхөн болон дахин сонгуульд Монгол ардын нам болон Ардчилсан намаас нийт 15 нэр дэвшигч өрсөлдөхөөр саналын хуудсанд бичигдсэн ба нийт 21007 сонгогч саналаа өгөхөөр нэрийн жагсаалтад бүртгэгдсэн байв. Аймгийн хэмжээнд нийт 38704 сонгогч саналаа өгөхөөс 31664 хүн буюу 81,8 хувь нь саналаа өгсөн байна.
Тус аймгийн ИТХ 33 мандаттай. Үүнээс МАН 16, АН 16 суудал авсан бөгөөд үлдсэн нэг мандат буюу Дарьганга сумын 3 дугаар тойрогт ялалт байгуулаад байсан МАН-ын нэр дэвшигч хууль зөрчсөн үйлдэл гаргасан учраас шүүхээс орон нутгийн сонгуультай хамт нөхөн сонгууль явуулахаар шийдвэрлэсэн юм. Энэхүү суудлын маргаанаас болж тус аймгийн ИТХ-ын дарга нь ажлаа хүлээлгэж өгөхгүй, шинээр томилсон гэх Засаг дарга нь хууль бус гэх шүүмжлэл дагуулж шүүхийн шатанд хүрээд байсан бөгөөд захиргааны хэргийн шүүхээс З.Энхтөрийг томилсон шийдвэр хууль бус гэж шийдвэрлээд байсан. Харин үлдсэн нэг суудлын эзэн тодорсноор Сүхбаатар аймаг АН-ын засагласан аймаг болно гэсэн үг.
Ж.Батсуурийн тухай товчхон мэдүүлэхэд 2008-2016 он хүртэлх хугацаанд тус аймгийн Засаг даргаар ажиллаж байсан бөгөөд энэ хугацаанд “шилдэг аймаг” гэх гуншнаар аймгаа тодруулуулж байсан. Энэ нь ч өнөөдрийн ялалтад нөлөөлсөн нь гарцаагүй. Түүнчлэн Ардчилалын түүхэнд 2004, 2008, 2012 оны сонгуулиудад дараалсан ялалтуудыг авч ажиллахдаа Монгол улсын шилдэг аймгаар 4 удаа шалгарч байсан түүхтэй.
Мөн Тус аймгаас 2012-2016 онд найман тэрбум гаруй төгрөгийн зөрчил, дутагдал илэрч байжээ. Ийнхүү сайн бөгөөд саар нь адил тэнцүү хосолсон Сүхбаатарын нөлөө бүхий эрхэм гэж хэлж болно. Яагаад нөлөө бүхий гэхээр дээрх сонгуулиудын саналын хувь тодхон илтгэнэ.
Хийж бүтээсэн нь ч их, гувчуулсан зувчуулсан нь ч багагүй түүнийг Ерөнхий сайд хүлээж авах эсэх нь үлдж байна.
Б.Лхам
Сэтгэгдэл (13)