УИХ-ын гишүүн Ж.Мөнхбат гурван тэрбумын үнэтэй байр худалдаж авчээ гэсэн мэдээлэл олон нийтийн цахим хуудсаар нийтлэгдсэнтэй холбоотой мэдээлэл хийлээ.
“Өчигдөр оройноос эхэлж энэ мэдээлэл хүчтэй явж байна. Хүчтэй явж байна гэж хэлж байгаа учир үүнийг нэлээн мөнгө төлж, бүүст хийлгэж нэлээн давлагаа болгох зорилготойгоор ийм үйл ажиллагаа зохион явуулж байна. Миний бие Сүхбаатар дүүргийн нэгдүгээр хороо Олимпын гудамжны 16 дугаар байрны 501 тоот байрыг худалдаж авсан нь үнэн. Манай гэр бүл тэнд амьдарч байгаа гэхдээ энэ нь сошиол орчинд яваад байгаа шиг гурван тэрбум төгрөгийн үнэтэй байр биш. Хоёрдугаарт энэ байрыг хууль ёсны дагуу худалдаж авсан. Тухайлбал 2016 оны сонгуулийн дараа буюу УИХ-ын гишүүн болсны дараа бүх гишүүдээр хөрөнгө орлогын мэдүүлгийг авсан. Хөрөнгө оруулгын мэдүүлэгт өөрт хамааралтай бүх хөрөнгийг мэдүүлсэн. Тухайн үед манай гэр Зайсангийн Сөүл Рояль Каунти гэдэг хотхонд амьдардаг байсан. УИХ-ын гишүүн болохоос өмнө байсан байр гэсэн үг.
Бид түгжрэлгүй, нялх хүүхэдтэй учир сургууль цэцэрлэгт ойрхон гэдэг үүднээс байраа сольсон. Ингээд 13 дугаар хороолол Натурын замд байр худалдаж авж орсон. Ингэж орохдоо өмнөх байраа зарж, мөн дээрээс нь гэр бүлийн хүний нэр дээр байдаг оёмол, сүлжмэлийн үйл ажиллагаа явуулдаг жижиг компани байдаг. Үүнийхээ тодорхой хэмжээний тоног төхөөрөмжийг худалдсан. Хэдэн төгрөгийн бараа хэнд худалдсан гэрээ контрокт бүх зүйл нь байж байгаа. Энэ мөнгийг байрандаа зарцуулсанаас мөн банкнааас 150 мянган долларыг зээлж авсан. Өөрөөр хэлбэл яригдаад байгаа байрны худалдаж авсан хөрөнгийн эх үүсвэр тодорхой бөгөөд ойлгомжтой. 2016 оны долдугаар бард УИХ-ын гишүүн болж хөрөнгө оруулгын мэдүүлэг дээрээ мэдүүлсэн байгаа. энэ шинээр худалдаж авсан өнөөдрийн амьдарч байгаа байрныхаа талаар 2017 оны хөрөнгө оруулгын мэдүүлэгт байгаа. Тиймээс хөрөнгө оруулгын мэдүүлгийн сайтаас миний хөрөнгө оруулгын мэдүүлгийг үзэх боломжтой. Өөрөөр хэлбэл хууль, зөрчиж худлаа ярьсан ямар нэгэн зүйл байхгүй. Манай гэр бүл айхтар баян тарган амьдраад байдаг айл биш.
Хоёрдугаарт, би уран бүтээл хийдэг. Энэ тухайгаа би хөрөнгө оруулгын мэдүүлэгтээ бөглөсөн. “Долоон бурхан харвадаггүй” , “Бүү март ” зэрэг уран сайхны кино би хийж байсан. Мөн “Зүрхээ чагна” зэрэг уран бүтээлүүдээсээ тодорхой хэмжээний орлого олдог. Өнгөрсөн жил би өөрийн санаачилгаар өөрийн шүлгээс бүтсэн “Монгол тандаа зүтгэе” уран бүтээлийн тоглолтоо хийсэн. Уг тоглолтоос 140 сая төгрөгийн орлого олсон. Энэхүү орлогоо Монголын ирээдүй болсон 100 оюутны сургалтын төлбөрт хандивлаж байсан. Энэ нь багтаж ядсан баян таргандаа хийсэн ажил бол биш. Хэрвээ би үүнийг хийхгүй 100 оюутны сургалтын төлбөрт хэн дэмжлэг үзүүлэх вэ гэдэг үүднээс уг ажлыг зохион байгуулсан.
Гэвч өнөөдөр яагаад ийм асуудал гарч ирэв гэдгийг би судалж үзсэн. Өчигдөр УИХ-ын чуулганы хуралдааны үеэр ЖДҮ-ийн асуудалтай холбогдуулж хувь гишүүнийхээ байр суурийг шүүмжлэлтэйгээр илэрхийлсэн. Үүнтэй холбогдуулж хууль бусаар намайг байр худалдан авсан болгох гэж зохион байгуулалттайгаар гаргаж ирсэн. Намайг харлуулах гэсэн уг ажлыг холоос хийгээгүй ээ. Маш ойрхон, дотроос шидсэн гэдгийг би мэдэж байгаа” гэв.
Р.Хишигжаргал
Сэтгэгдэл (4)