УИХ-ын нэр бүхий 27 гишүүн Засгийн газрыг огцруулахыг санал гаргасны үндсэн дээр МАН-ын Удирдах зөвлөл энэ асуудлаар одоо Төрийн ордонд хуралдаж байна. Үүнтэй холбоотойгоор МАН-ын Удирдах зөвлөлийн С.Бямбацогт, Л.Энх-Амгалан тэргүүтэй 10 гишүүн тус хуралд оролцохгүй гэдгээ мэдэгдлээ. Тодруулбал энэ талаар

УИХ-ын гишүүн Л.Энх-Амгалан ярихдаа “МАН-ын Удирдах зөвлөлийн нэр бүхий гишүүд буюу МАН-ын нарийн бичгийн дарга Ц.Бат-Энх , Удирдах зөвлөлийн гишүүн М.Оюунчимэг, Я.Содбаатар, Г.Солтан, Ж.Энхбаяр нар Удирдах зөвлөлийн гишүүд нь жижиг дунд үйлдвэрлэлийг хөгжүүлэх сангийн хөрөнгийг албан тушаалаа урвуулан ашиглаж, өөрийн болон хамаарал бүхий аж ахуй нэгжүүдэд хууль тогтоомж зөрчин тэрбум, тэрбумаар нь тараасан, энэ бусармаг үйлдэлд нэр холбогдон хууль хяналтын байгууллагад шалгагдаж байгаа нь ЖДҮХС-ийн хэрэгт нэр холбогдон “ЖДҮ-дсан” Засгийн газар, Ерөнхий сайдыг огцруулах асуудлаар хуралдах гэж байгаа МАН-ын Удирдах зөвлөлийн хуралд саналын эрхтэйгээр оролцох ёс суртахууны эрхгүй гэж үзэж байгаа учраас эдгээр гишүүдийг Удирдах зөвлөлийн хуралд оролцуулахгүй байхыг шаардаж байна” гэв.

Мөн тэрбээр “Энэ шаардлагыг хангасан нөхцөлд бид Удирдах зөвлөлийн хуралд оролцоно” хэмээнэ ярив.

Р.Хишигжаргал