УИХ-ын гишүүн Л.Энх-Амгалан, Д.Оюунхорол, С.Бямбацогт, Д.Ганболд нарын дөрвөн гишүүн Үндсэн хуулийн цэцэд гомдол гаргаж байгаа талаараа мэдээлэл хийлээ.
Тодруулбал УИХ-ын гишүүн Л.Энх-Амгалан ярихдаа “Бид гишүүний хувьд бус иргэний хувьд Үндсэн хуулийн цэцэд гомдол гаргана. Шалтгаан нь УИХ Монгол Улсын хууль тогтоох байгууллага ажлаа хийхгүй байна. Монгол Улсын төрийн үйл ажиллагаа тасралтгүй явах Үндсэн хуультай. Монгол Улсын хууль тогтоомжийг хангаж ажиллах ёстой Засгийн газар түүний тэргүүн Ерөнхий сайд, Засгийн газрын давхар дээлтэй 15 гишүүн хоёр долоо хоног УИХ-ын чуулганыг бойкотлох үйл ажиллагаа хийж байгаа нь Үндсэн хууль зөрчсөн гэж үзэж Үндсэн хуулийн Цэцэд гомдол гаргаж байгаа. Ямар ямар үндэслэлээр Үндсэн хууль зөрчсөн гэдгийг тогтоож өгнө үү гэж хандаж байгаа.
Бид Монгол Улсын Ерөнхий сайд түүний тэргүүлж байгаа Засгийн газар дөрвөн хуулийн заалтыг зөрчсөн гэж үзэж байна. Нэгдүгээрт Үндсэн хуулийн хоёр зүйлийн гурван заалтыг зөрчсөн байна гэж үзлээ. Үндсэн хуульд Хууль дээдлэх нь үндсэн хуулийн зарчим мөн гэж тунхагласан. Хоёрдугаарт Монгол Улсын Ерөнхий сайд Засгийн газрыг удирдаж төрийн хууль биелүүлэх ажлыг УИХ-ын өмнө хариуцна гэсэн 40.1р зүйлд заасан байгаа. Харин 40.2-р зүйл заалтад Засгийн газар ажлаа УИХ-д тайлагнана гэсэн заалттай. УИХ-ын дэгийн тухай хуулийг Засгийн газрын тэргүүн, Засгийн газар зөрчиж байгаа юм. УИХ-ын тухай хуулийн 29.6-д Засгийн газрын хууль УИХ-ын бусад шийдвэрийг хэлэлцэхэд Засгийн газрын гишүүд, Ерөнхий сайд хуралдаанд оролцож гишүүдийн асуултад хариулж Засгийн газрын шийдвэрийг илэрхийлнэ гэсэн заалтуудыг зөрчсөн” гэв.
Р.Хишигжаргал
Сэтгэгдэл (11)