Засгийн газрын өнөөдрийн хуралдаанаар Хуульзүй, дотоод хэргийн дэд сайд Б.Энхбаярыг үүрэгт ажлаас нь чөлөөлжээ.

Түүнийг ЖДҮ-тэй холбоотой асуудлаар шүүмжлэлттэй хандсан, мөн Ерөнхий сайд У.Хүрэлсүх кабинетийн зарчмаар ажиллаагүй, Засгийн газрын бодлого шийдвэрийг эсрэг, өөрийн хариуцсан салбараас өөр чиглэлээр байр суурь илэрхийлсэн буюу улс төржсөн байр суурьтай байсан учир ажлаас чөлөөлөх үндэслэл болсон байж болзошгүй гэсэн таамаглал байгаа юм. 

Одоогоор энэ талаар Засгийн газраас ямар нэгэн мэдээлэл хийгээгүй бөгөөд энэ талаар өөрөөс нь тодруулах гэтэл гар утас нь холбогдох боломжгүй байлаа.

Тэрбээр Ж.Эрдэнэбатын Засгийн газрын үед Хуульзүй, дотоод хэргийн дэд сайд болсон юм.

Р.Хишигжаргал