НИТХ-ын ээлжит хурлаар Улаанбаатар хотын захирагчийг томилох асуудлыг хэлэлцэж байна. Энэ үеэр НИТХ-ын дарга С.Амарсайханаас тодрууллаа.

-Нийслэлийн Засаг даргаар томилогдвол та юу хийхээр төлөвлөж байна?

-НИТХ-д буюу нийслэлийн хөгжлийн бодлого шийдвэр гаргадаг байгууллагыг жил гаруй удирдаж, хурлын төлөөлөгчидтэй тодорхой асуудлыг шийдэж ирлээ. Цаашдаа ажлыг явуулахад хурлын бодлого шийдвэр хэрэгжих тэр хүрээнд гүйцэтгэх засаглал ажлын гүйцэтгэл дээр боловсон хүчний чадавх, ажлын үр дүнд уялдаж ажиллах ёстой. Иймээс хурлын даргын ажлын албыг хашч байгаад Засаг даргад нэр дэвшиж байна. Нийслэлийн өмнө тулгамдаж байгаа асуудлыг шийдвэрлэхэд илүү үр дүнтэй ажиллах боломж бий гэж харж байна.

-Хэдийгээр таны нэрийг дэвшүүлсэн ч заалнаас өөр хүн дэвшүүлж магадгүй гэсэн мэдээлэл байна. Та өмнө нь ИТХ-ын дарга болохдоо заалнаас дэвшиж дарга болж байсан шүү дээ. Удирдах зөвлөлийн шийдвэрийг дагах ёстой юу. Та юу гэж бодож байна вэ?

-Олонх болж засаглаж байгаа МАН-ын Удирдах зөвлөлөөс шийдвэрээ гаргасан. Нийслэлийн МАН-ын тэргүүлэгчдийн хурлаас шийдвэрээ гаргасан. Арчилсан, нээлттэй байдлаар нэр дэвшүүлсэн учраас намын бодлого шийдвэр шат шатандаа гарсан. Заалнаас төлөөлөгчид дэвших асуудал нээлттэй.

-Хурал дуусахад цаг гаруйн хугацаа үлдлээ. Амжиж хотын даргаа томилж чадах болов уу?

-Ямар ч байсан бүлэг хуралдаж төлөөлөгчид цуглараад байна. Өнөөдөр хоёр, гурван хурал давхацсан  учраас товлосон хугацаанд хурал эхэлсэнгүй. Одоо хуралдаан явахад хурлын дэг журмын хүрээнд асуудлуудаа шийдэх байх. 

                                                                                                                                    Р.Хишиг