Гадаад харилцааны сайд Д.Цогтбаатар Австрали Улсаас Монгол Улсад суугаа Элчин сайд Жон Лангтригийн үүрэгт ажил нь дуусгавар болж байгаатай нь холбогдуулан өнөөдөр хүлээн авч уулзлаа.

Энэ үеэр сайд Д.Цогтбаатар Элчин сайд Монгол Улсад ажиллах хугацаандаа Монгол, Австралийн харилцааг хөгжүүлэхэд оруулсан хувь нэмрийг нь үнэлж, хоёр орны харилцаа, хамтын ажиллагаа жилээс жилд бэхжиж байгаад сэтгэл хангалуун байгаагаа илэрхийлсэн юм.

Элчин сайд Жон Лангтриг Улаанбаатар дахь анхны суурин Австралийн Элчин сайдаар томилогдон ажилласан юм.