Халдашгүй байдлын байнгын хорооны өнөөдрийн хуралдаан хойшиллоо. Тодруулбал, асуудалд холбогдож буй УИХ-ын гишүүн Г.Солтан байхгүй учир ийн хойшилжээ. Энэ талаар УИХ-ын гишүүн Ц.Нямдорж “Нэгдүгээр сарын 8-ны 14.16 цагт Улсын Ерөнхий Прокуророос Б.Ундармаа, Л.Энхболд, Д.Дамба-Очир, Г.Солтан нарын бүрэн эрхийг түтгэлзүүлэх санал оруулж ирсэн. Өнөөдрийн Халдашгүй байдлын дэд хорооны хурлаар Ерөнхий прокурор саналыг, УИХ-ын гишүүдийн тайлбарыг сонслоо. Одоогоор Г.Солтан гишүүн Баян-Өлгий аймагт томилолтоор явж байгаа юм байна. Тиймээс нэг гишүүн ирж амжаагүй учраас дэд хорооны хуралдааныг цааш үргэлжлүүлэх бололцоогүй байна. Тамгын газарт танилцуулснаар Г.Солтан гишүүн маргааш ирж магадгүй юм байна. Түүнийг ирэхээр дэд хорооны хурлыг үргэлжлүүлнэ” гэв.

Р.Хишигжаргал