Халдашгүй байдлын дэд хорооны өнөөдрийн хурлаар Б.Ундармаа, Л.Энхболд, Д.Дамба-Очир, Г.Солтан гишүүдийн бүрэн эрхийг түтгэлзүүлэх саналыг хэлэлцсэн. Уг хурлаар Ц.Нямдорж “Ерөнхий прокурорын танилцуулснаар шалгалтын ажил дуусах шатандаа үргэлжилж байна гэсэн. Тиймээс шалгалт дуустал бүрэн эрхийг түдгэлзүүлэх шаардлагагүй гэж үзэж байна. Иймд нэгдүгээрт, ЖДҮХС-гий асуудлыг эцэслэн дуусгаж, гэм буруугийн асуудлыг хоёр тийш ялгаж, гарцаагүй буруутай гэж үзсэн үед дахин оруулж ирнэ. Хоёрдугаарт, Ерөнхий Прокурор болон гишүүдийн тайлбар, танилцуулгаас үзэхэд цаашаа нарийвчлан шалгаж тодруулж нэг мөр болгох хэрэгтэй байна. Гуравдугаарт, бүрэн эрхийг нь түдгэлзүүлэх санал тавигдаж байгаа дөрвөн гишүүн тус бүр нэг удаа АТГ-т гэрчийн мэдүүлэг өгсөн байна. Мөрдөн байцаалтын явцад саад болсон зүйл дэд хороонд ажиглагдсангүй. Тиймээс дөрвөн гишүүний бүрэн эрхийг түдгэлзүүлэх саналыг УИХ-д оруулах бололцоогүй гэсэн дүгнэлт гарлаа” гэв.

Р.Хишигжаргал