УИХ-ын Д.Дамба-Очир “Сапир стоун” ХХК-д 1.2 тэрбум төгрөг олгохыг хүсэмжлэхдээ барьцаа хөрөнгөгүйгээр зээл олгохдоо “Хэрвээ асуудал гарвал гишүүнийхээ үүднээс хандах болно” гэдгээ мэдэгдэж, УИХ-ын гишүүний суудлаа барьцаалж зээл гаргуулжээ.

УИХ-ын гишүүн Г.Солтан өөрийн хамаарал бүхий компанид 950 сая төгрөгийн зээл гаргуулахдаа ЖДҮХС-гийн зээл олгох журмыг өөрчлүүлжээ.

УИХ-ын гишүүн Л.Энхболд бусдад өгөх өрөө төлөхийн тулд иргэн О-гийн компанийг иргэн Ч-гийн нэр дээр бэлэглэлийн гэрээгээр шилжүүлэн авч мах боловсруулах “Дэлгэр говь” төсөл бичүүлж, 2018 оны дөрөвдүгээр сарын 14-ний өдрийн тушаалаар “Хас говь транс” компанид 950 сая төгрөгийн зээл гаргуулсан байна. Тэрбээр үүнийгээ байнгын хорооны хурлаар үгүйсгээд гүтгэж байна гэсэн.

Монголын тэргүүн баяны нэг Б.Ундармаа гишүүн өмнө нь сонгон шалгаруулалтаас хасагдсан “Доктор мэйк” компанид 800 сая төгрөгийн зээл олгуулжээ.

Ч.Энхнамир