Өнөөдрийн чуулганаар УИХ-ын дэгийн хуулийн төсөлд нэмэлт өөрчлөлт оруулах болон УИХ-ын тухай хуульд нэмэлт оруулахыг хэлэлцэх байсан ч чуулган 15.00 хүртэл хойшилсон. Чуулганы үеэр О.Баасанхүү гишүүн хэд хэдэн санал гаргасан. Тэрбээр “Чуулган хоёр сар хуралдсангүй. Гэтэл өнөөдрийн ирцийг хараад Сүхбаатар кинон дээр “Пөөх та нар яасан олуулаа юм бэ” гээд хэрээ бууддаг шиг сэтгэгдэл төрж байна. Аймаар олон хар хүн сууж байна. Өнөөдөр Төрийн байгуулалтын хорооноос хэлэлцсэн асуудлыг хэлэлцэе. Нөгөөтэйгүүр, шөнийн 3 цаг хүртэл хуралдаж хэлэлцсэн асуудал байна. 48 цагийн дотор хэлэлцэж, шийдэлд хүр гэсэн. Гэтэл 48 цагийн хугацаа өнгөрлөө. Ингэвэл 72 цаг гээд цааш үргэлжилнэ. Тиймээс ЖДҮ-ээс зээл авсан гишүүдийг эргүүлэн татах тухай байнгын хорооны тогтоолын төслийг давхар хэлэлцэе. Нойроо битгий харамлаарай. Хоёр сарын хугацаанд сайхан амарсан биз дээ. Зарим нь гадаад явсан. Зарим нь тойргоо “усалсан” сурагтай. Юм ер нь их зөнтэй байх юм. Д.Тэрбишдагва гишүүн “Нойргүй бүгдээрээ ярьцгаая” гээд байсан. Түүний хэлсэн шиг нойргүй ажилцгаая. Тэгж байж тулгамдсан хоёр асуудлаа хэлэлцэе. Та нарыг лайв хийн байж оруулж ирсэн шалтгаан нь Ерөнхий прокурор ирсэн дээр нь асуух зүйл олон байна. Л.Оюун-Эрдэнэ гишүүн санаатайгаар зарим хэргийг алга болгосон гэлээ. Нээрээ л экс Ерөнхий сайдуудад холбогдох хэргийг дарсан бол гэмт хэрэг шүү. Нөгөөтэйгүүр, би гайхаад байна.  Уг нь ҮАБЗ-д хууль батлах ямар хамаа байна аа. ҮАБЗ-д олон хууль байх ёстой. Жишээлбэл, шар нунтагыг Монголд нэвтрүүлэхгүй гэдэг хуультай баймаар байна. Цөмийн хаягдалаа хоёр хөрш Монголд булбал яана. Үүнээс сэргийлэх ёстой. Томоор ярьбал шүү дээ. Жижгээр ярьбал, АБЗ-өөс зөвлөмж өгөөд хууль баталмаар байна. Түүнчлэн “Шөнө дундын яриа” гэдэг шиг заавал шөнө хуралдаж байхаар зарим хүн өөрөө огцорчихмоор юм.

Ерөнхийлөгч унтаж байгаа байх. Хуулиа татая гэхгүй байхыг бодоход. Сэрээх хэрэгтэй. Хууль татах боломж байхыг үгүйсгэхгүй. Тиймээс Х.Баттулга, З.Энхболд нарыг сэрээгээд чуулганд оролцуулмаар байна. Хуульдаа хууль санаачилсан хүн байлцах ёстой гээд зааж өгсөн биз дээ.

Г.Нацаг