“МА

НАН-ийн эсрэг Монгол түмний нэгдэл” жагсагчдын төлөөлөл гишүүд болох УИХ-ын гишүүн Ж.Батзандан, Л.Болд нар УИХ-ын гишүүн Н.Номтойбаяр, Ж.Мөнхбат хоёр жагсагдыг үймүүлж, ард түмнийг хооронд нь мөргөлдүүлж байна гэж өчигдөр мэдээлсэн. Энэ талаар УИХ-ын гишүүн Ж.Мөнхбатаас тодруулахад, "Жагсаалын үеэр “Богд” банкны эзэн, “Голомт” банкны эзэн Л.Болд жагсаал, цуглааны үеэр үймээн зохион байгуулсан. Цэрэг хүчнийхэн цаана нь бэлэн байгаа гэх утга бүхий мэдээллийг хийсэн. Үүнийг эрс няцааж байна. Өөрөөр хэлбэл, УИХ-ын гишүүн Н.Номтойбаяр бид хоёр энэ асуудалд оролцоогүй. Н.Номтойбаяр гишүүн өчигдөр онгоцоос буусан. Миний бие тус жагсаалд 200 хүн байтугай хоёр хүн ч оролцуулаагүй. Ер нь жагсаал, цуглаан хийдэг. Тэр нь буруудаад ирэхээр буруугаа бусдад нялзаадаг ийм явдлууд сүүлийн үед газар авч байна. Үүний нэг нь Л.Болд юм. УИХ-ын гишүшн Н.Амарзаяа мэдээлэл хийснийг санаж байгаа байх. Тодруулбал, Л.Болдын “Богд” банк нь Хөгжлийн банкнаас 30.8 тэрбум төгрөг шилжүүлж авсан гэх баримтыг ярьж байгаа. Энэ нь үнэн юм билээ. “Богд” банк харьцангүй жижиг банк. Жижиг банкуудтайгаа харьцуулахад маш их хэмжээний мөнгө авсан. Гаднаас нь харахад энэ банкны чанар, актив нь сайн юм шиг. Гэтэл Хөгжлийн банкнаас харилцагчийнхаа нэр дээр зээл авчихсан учраас хүү төлөхгүй байгаа. Үүнийхээ үр төлөөсөнд улс төрийн алхам акциудыг хийж байгаа. Энэ нь болохгүй болоод ирэхээр хүнийг гүтгэн гүжирдэж байгаа үйлдлийг хийж байгаад нь харамсч байна. Өнөөдөр цэргийн эрх мэдэл Засгийн газарт байдаг. Цагдаа нь Хууль зүй, дотоод хэргийн сайдын мэдэлд, тагнуул нь Ерөнхий сайдын мэдэлд, онцгойгийнхон Шадар сайдын мэдэлд байгаа. Тэгэхээр УИХ-ын жирийн гишүүн надад яахаараа цэрэг цуглуулж, зэвсэгт мөргөлдөөнд турхирдөг байна гэсэн ийм асуудлыг асуусан. Тэгсэн тагнуулын нөлөө бүхий хариуцлагатай хүмүүс ийм мэдээлэл өгсөн гэж хэлсэн. Тиймээс тагнуулаас албан ёсны тайлбар шаардаж байна" гэв

Б.Лхам