Стандарт, хэмжил зүйн газрын дарга Г.Гантөмөрийн хууль бус үйлдлийн талаар хэвлэл мэдээллээр хэрэгслээр гарах болсон. Энэ талаар АТГ-ын дэргэдэх Олон нийтийн зөвлөлийн дарга Г.Баасан “Хууль биелүүлэгдэггүй дарга олон байна. Түүний нэг нь Г.Гантөмөр. Тэр өөрийнх нь хууль бус үйлдлийг хаацайлдаг хүмүүст давуу эрх олгодог. Сүлжээгээр гэмт хэрэг хийдэг, түүнийгээ нуун дарагдуулдаг хүмүүсээ дээш татаж, төрийн ажлыг гутааж байна. Үүнийг дардаг хуулийн байгууллагын хүчин чадал муудсан байна. Энэ нь авилгатай холбоотой” гэж хэвлэлд ярьсан байдаг. Г.Гантөмөртэй холбоотой асуудал одоо ч хуулийн байгууллага дээр үргэлжлэн явагдсаар байгаа хэдий ч албан тушаалаа эрхэлсээр байгааа юм. Магадгүй албан тушаалаа өгчихвөл хууль бус үйлдлүүд нь илчлэгдчихнэ гэж бодож зууралдаж байхыг ч үгүйсгэх аргагүй. Нөгөөтэйгүүр, 2018 онд 60 нас хүрсэн даргын тэтгэвэрт гарах эрх нь үүссэн атал өнөөг хүртэл суудалдаа заларч буй нь
тус газрын залгамж халаа, боловсон хүчин дутагдсан салбар гэдэг нь харагдана. Түүнчлэн 2017 онд тэтгэврээ тогтоолгож, ажлаасаа гарсан ч Г.Гантөмөр даргын тушаалаар ажилдаа эргэж ороод одоог хүртэл ажиллаж төрөөс тэтгэвэр, цалин хоёрыг зэрэг аваад явж байгаа Ц.Энхбаатар гэгч бас байна. Энэ талаар зарим хүмүүсээс нь тодруулахад Ц.Энхбаатарын ажлыг хийх чадалтай боловсон хүчин Монголд хангалттай байгаа. Харин тэд ажилд орох, орсон хойноо шударгаар өсч дэвшээд явах боломж нь дутагдаж байна. Энэ нь тухайн байгууллагын дарга хир шударга, зөв хүн бэ гэдгээс шууд шалтгаалдаг гэсэн юм. СХЗГ-ыг хувьд сүүлийн жилүүдэд энэ салбарт огт ажиллаж байгаагүй хүмүүс гаднаас орж ирээд л шууд л дарга сэтэртэй албан тушаал дээр очдог, эсвэл богино хугацаанд дэвшижд дарга болдог нь нууц болжээ. Олон жил даргын зөөлөн суудалд тухалсан Г.Гантөмөр та мэргэшсэн залуу халааг шат дараатай бэлтгэх талаар юу хийв. Эсвэл энэ салбарыг залгамж халаагүй болгох нь танд ашигтай байна уу гэдгийг энэ удаагийнхаа нийтлэлээр асууя.