УИХ-ын чуулганы нэгдсэн хуралдаанаар Ерөнхийлөгчийн өргөн мэдүүлсэн УИХ-ын даргыг олонхийн саналаар огцруулах хуулийн төслийг хэлэлцэж, олонхийн саналаар эцсийн хэлэлцүүлэгт шилжүүллээ. Энэ үеэр Хууль зүй, дотоод хэргийн сайд Ц.Нямдорж “Гишүүд зөндөө юм яриад байх юм. О.Баасанхүү гишүүн намайг “УИХ-ын дарга болно” гэлээ. Би хэнтэй ч тийм юм яриагүй. Засгийн газрыг унагаах үед “Та Ерөнхий сайд болчих” гэж хэд хэдэн хэлж, ярьсан зүйл бий. Би “Үгүй” гэсэн. Ийм дэл сул яриа яваад байна. Би сайд болъё гэж хэзээ ч, хэнд ч хэлж байгаагүй юм. Долоон сонгуулийн хугацаанд ард түмэнд намайг сонгосон. Сонгуулийн дараа намайг “Сайд бол” гэсэн. Хийгээд явж байна. Их хурлын гурван даргатай болох гээд байгаа юм уу. Ө.Энхтүвшин, Н.Энхболд намайг хардаад байх юм. Парламентад хов жив ярихаа боль. Хэнд хэрэгтэй юм. Хүн бүр өөр өөрийн хүмүүжилтэй. Өөрийнхөө дүгнэлтээр намайг дүгнэхээ боль. Би урвах гэдэг асуудлыг мэдэхгүй. Сонгуульд ордог нь, намайг сонгодог нь үнэн. Хуулийн сайд хийдэг нь үнэн. Дандаа хүнд хэцүү үед надаар Хуулийн сайд хийлгэдэг юм. Энэ үнэн. УИХ-ын дэд даргын ажлаасаа бууж, энэ ялтай ажлыг чинь хийж байна. Хуулийн сайдыг чинь гуйж аваагүй юм шүү" гэлээ. 

Г.Нацаг