Улсын хэмжээнд энэ онд 40800 орчим албан тушаалтан хөрөнгө орлогын мэдүүлгэ гаргахаас энэ сарын 22-ны өдрийн 10.00 цагийн байдлаар 15100 мэдүүлэг гаргагч ХАСХОМ-ээ www.meduuleg.iaac.mnцахим хуудсаар шинэчлэн мэдүүлжээ. Тодруулбал, төрийн болон нутгийн захиргааны байгууллагуудаас ЦЕГ, Дорнод, Хэнтий, Завхан, Баянхонгор аймгийн ИТХ, Засаг даргын Тамгын газар зэрэг байгууллагууд 50-иас дээш хувьтай байна.

Мөн АТГ-т мэдүүлгээ бүртгүүлэх үүрэгтэй төрийн өндөр болон бусад 280 гаруй албан тушаалтан мэдүүлгээ шинэчлэн гаргахаас одоогоор УИХ-ын гишүүн хоёр, Засгийн газрын гишүүн хоёр, яамдын Төрийн нарийн бичгийн дарга нэг, агентлагийн дарга нэг, Монгол Улсаас гадаад улсад суугаа Элчин сайд ес зэрэг нийт 22 албан тушаалтан мэдүүлгээ гаргаж бүртгүүлсэн нь 7.5 хувьтай байна.

Авлигын эсрэг хуулийн 10 дугаар зүйлийн 10.3, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх 23 дугаар зүйлийн 23.3-т заасны дагуу жил бүрийн хоёрдугаар сарын 15-ны дотор хуулийн үйлчлэлд хамрагдах албан тушаалтнууд хувийн ашиг сонирхлын болон хөрөнгө, орлогын мэдүүлгээ бүртгүүлэх үүрэгтэй юм.

Г.Нацаг