УИХ-ын даргыг гишүүдийн олонхийн саналаар огцруулах хууль өнөөдрөөс хэрэгжиж эхэлсэн. Үүнтэй холбогдууланУИХ-ын гишүүн Л.Оюун-Эрдэнэ, Л.Болд, Ж.Батзандан нарын гишүүд хэвлэлийн хурал хийх үеэрээ дээрх тогтоолын төслийг өнөөдрийн чуулганаар хэлэлцэх боломжтой байсан гэлээ. Түүнчлэн УИХ-ын гишүүн Л.Оюун-Эрдэнэ “Бидэнд гэр форум болон утсаар дамжуулан асар их мэдээлэл ирж байна. Ихэнх нь орд тойрсон баялагтай холбоотой хууль хяналтын байгууллага оролцсон, авлигалтай холбоотой асуудал. Удахгүй бид нийтийн сонсгол зарлана. Өнөөдөр та бүхэн нэг материалыг задлая.
“Монголиан копр корпорейшн” компани хувьцаа эзэмшигчдийн хурлаараа Эрдэнэтийн 49 хувийг Сингапурт худалдахаар шийдвэр гарсан байна. Энэ мэдээллийг ямар нэг нэр, хаяг бичээгүй дугтуйнд хийж бидэнд ирүүлсэн. Хэрвээ энэ үнэн бол бүлэглэл орд газрын иэргэн тойронд байна гэдгийг бодит дохио. Гэрээ хийгдсэн, бүртгэлээс зөвшөөрөл хүссэн ийм нөхцөл байдалд байна.
Бидэнд хардах нөхцөл бий. Дээрх стратегийн орд газрыг чуулганаар оруулахгүйгээр ОХУ-ын талаас худалдаж авсан байдаг. Гэтэл Сингапурт зарах гэж байна. Цаана нь ямар эзэд байгааг мэдэхгүй. Тавантолгойг мөн УИХ-аар оруулахгүйгээр зарах гэж байсан. Ийм байдлаар явбал Монгол Улс цаашид баялагаа ашиглаж хөгжих тухай ярихад бэрх юм. Ерөнхий сайд болон Хууль зүй, дотоод хэргийн сайдад асуулт тавина” гэлээ.
Г.Нацаг
Сэтгэгдэл (49)