УИХ-ын даргыг үүрэгт ажлаас нь чөлөөлөх асуудлыг өнөөдөр нэр бүхий 39 гишүүн өргөн барьсан. Энэ хүрээнд УИХ-ын даргын дэргэдэх зөвлөл хуралдаж, шийдвэр гаргалаа. Энэ талаар УИХ-ын Тамгийн газрын Ерөнхий нарийн бичгийн дарга Ц.Цолмон "УИХ-ын тухай хууль, УИХ-ын Дэгийн тухай хуулиар даваа гариг бүр намын бүлэг хуралддаг.

Мягмар, лхагва гаригуудад байнгын хороодын хурал, пүрэв, баасан гаригуудад чуулганы хуралдаан болдог. Даваа гаригт чуулганы нэгдсэн хуралдаан явуулахыг хуулиар хориглодог юм. УИХ-ын даргын дэргэдэх зөвлөл хуралдаж, шийдвэр гаргасан. Тодруулбал, мягмар гаригийн өглөө 10:00 цагт Төрийн байгуулалтын байнгын хороо уг асуудлаар хэлэлцэсний дараа үргэлжлүүлэн УИХ-ын ээлжит бус чуулганыг хуралдуулахаар боллоо. УИХ-ын даргын захирамж гарсан. Захирамжид уг асуудлыг нэн яаралтай горимоор хэлэлцэн шийдвэрлүүлэх тухай тусгасан. Харин чуулганы хуралдааны хугацааг сунгах асуудал яригдаагүй" гэв.

Б.Лхам