Засгийн газрын хэрэг эрхлэх газрын дарга Г.Занданшатар эх оронч худалдан авалт хийхийг уриаллаа. Тэрбээр “Засгийн газрын өнөөдрийн хуралдаанаар эх оронч ажил эхлүүлэхээр шийдвэрлэлээ. Учир нь үндэсний үйлдвэрлэл хөгжиж байж ажлын байр бий болно. Ажлын байр бий болсноор ажилгүйдэл, ядуурал буурна. 2017 оны байдлаар улсын хэмжээнд улсын төсвөөс 1.3 их наяд төгрөгийн бараа, үйлчилгээ худалдан авсан. Үүний дөнгөж дөрвөн хувь буюу 47.1 тэрбум төгрөгөөр дотоодын үйлдвэрлэгчдээс худалдан авалт хийсэн нь хангалтгүй үзүүлэлт юм.

Улсын хэмжээнд төрийн бүх байгууллага ахуйн хэрэглээнээс эхлээд бололцоотой бүх түвшинд дотоодын үйлдвэрлэгчдээ дэмжихийг уриалж байна. Зөвхөн төрийн байгууллага гэлтгүй нийт аж ахуйн нэгж, иргэддээ эх оронч худалдан авалт хийхийг уриалъя” гэлээ.

Р.Хишиг