МАН-ын Удирдах зөвлөл хуралдаж, ЗГХЭГ-ын даргад УИХ-ын гишүүн Л.Оюун-Эрдэнийг 100 хувийн саналаар дэмжсэн байна. МАН-ын дарга, Монгол Улсын Ерөнхий сайд У.Хүрэлсүх Засгийн газрын гол асуудлыг хариуцдаг Хэрэг эрхлэх газар эзгүй байж болохгүй. Ерөнхий сайдын гол тулах хүн нь Ерөнхий сайдын бодлого шийдвэрийг хэрэгжүүлж чадах хүн байх ёстой гэж үзэн намынхаа Удирдах зөвлөлд нэрийг нь оруулсан байна. Тодруулбал Л.Оюун-Эрдэнийг шударга ёсныг хүсэмлэж, төрийн албаны сахилга батыг сахиж чадах залуу улстөрч хэмээн намын дарга нь үзсэн бололтой юм. Удирд зөвлөлөөс гарсан шийдвэрийн дагуу уг асуудлаар УИХ дахь МАН-ын бүлэг хуралдаж саналаа нэгтгэнэ. Улмаар УИХ-аар ЗГХЭГ-ын даргыг томилох асуудлыг хэлэлцэх юм.

Г.Эрдэнэ