УИХ-ын гишүүн Л.Болд, Ж.Батзандан нар ТЕГ-ын дарга асан, генерал Б.Хурцыг гүтгэсэн нь тогтоогджээ гэсэн мэдээлэл нэр бүхий цацагдсантай холбогдуулан энэ талаар эх сурвалжуудаас тодрууллаа. "Энэ нь мушгин гуйвуулсан ташаа мэдээлэл бөгөөд харин ч эсрэгээрээ УИХ-ын гишүүн Л.Болдын алдар хүнд, ажил хэргийн нэр төрд халдсаныг Хан-Уул дүүргийн шүүхээс тогтоож Б.Хурцыг уучлал гуйлгахаар даалгаж байсан. Дээрх мэдээлэл нь ердөө шууд хамааралгүй хэргийн баримтыг ашиглан шүүхийн шийдвэрийг гуйвуулж бэлтгэсэн, олон нийтийн тэмдэглэлт баяр, амралтын өдрийг тааруулж бусдын нэр хүндэд халддаг бохир арга төдийгөөс цаашгүй хэмээн УИХ-ын гишүүн Л.Болдын Ажлын албанаас мэдээллээ.

Доорхи баримтуудаас харвал "...Б.Хурц нь Л.Болдын талаар хийсэн мэдээллүүдийнхээ үнэн зөвийг нотлох үүрэгтэй хэдий ч мэдээллээ нотлох баримтыг шүүхэд ирүүлээгүй тул шүүхийн шийдвэр Б.Хурцыг уучлал гуйхыг даалгасан..."-ыг харж болох аж.