Хотын даргад заалнаас нэр дэвшиж, олонхын санал авсан С.Мөнхчулууныг Ерөнхий сайд У.Хүрэлсүх батламжлахаас татгалзсан. Хуульд зааснаар татгалзсан хариу ирүүлснээс хойш 15 хоногийн дотор НИТХ дахин хуралдаж, нэр дэвшигчийг тодруулах ёстой.
Энэ сарын 22-нд НИТХ хуралдахаар товлогдсон ч хотын даргын асуудлыг хэлэлцэх эсэх нь одоогоор тодорхойгүй байна. Хэрвээ уг хуралд С.Мөнхчулуун дахин өрсөлдөж, олонхын санал авах юм бол түүнийг хотын даргад шууд батламжлах хуулийн заалттай юм.
Энэ талаар С.Мөнхчулуун “НИТХ-ын ээлжит бус хурлын үеэр санал хураалтад оролцсон төлөөлөгчдийн олонх нь намайг дэмжсэн. Гэвч Ерөнхий сайд батламжлахаас татгалзсан. Дараагийн сунгаанд оролцоно. Намайг заалнаас нэрээ дэвшүүлсний дараагаас намаас хөөх тухай яриа гарсан. Намын Хяналтын ерөнхий хороо энэ асуудлаар хуралдах бол тухайн гишүүнтэй холбоотой асуудлыг хэлэлцэх гэж байгаа бол өөрийг нь байлцуулах ёстой. Одоогоор надад мэдэгдсэн зүйл алга” гэжээ.
Г.Алимаа
Сэтгэгдэл (14)