Монгол Улсын дөрөв дэх Ерөнхийлөгч Ц.Элбэгдоржийг АТГ-аас дуудан шалгаж байгаа юм байна. Энэ талаар экс Ерөнхийлөгч өөрийн твиттер хуудаснаа нийтэлжээ. Тодруулбал, “Ерөнхийлөгч Халтмаагийн Баттулгын хөөцөлдөн бүрдүүлж, гараараа Прокурорт биечлэн өгсөн Таван Толгойн асуудлаар АТГ-ааас намайг дуудлаа. Зангиагаа зүүгээд, гутлаа тослоод гаръя даа. Монголчууд бид бол ардчилал, хүний эрх, эрх чөлөөт байдлыг хуулийн засаглал гэж үздэг хүмүүс” гэжээ.
Түүнийг ийн шалгах шийдвэрийг өнгөрсөн нэгдүгээр сард Ерөнхийлөгч Х.Баттулга Улсын Ерөнхий прокурорт өгсөн юм. Өөрөөр хэлбэл, Ерөнхийлөгч Х.Баттулга Улсын Ерөнхий прокурорын газрын Удирдах ажилтны зөвлөгөөний уулзалтын үеэр “Монгол Улсын иргэний хувиар Тавантолгойн ордын талаар мэдээлэл өгч, шалгаж өгөхийг хүсч байна” хэмээгээд холбогдох баримтыг гардуулсан юм.
Сэтгэгдэл (21)