Өчигдөр Засгийн хэрэг эрхлэх газрын дарга Л.Оюун-Эрдэнэ төрийн өмчөөс хувьчилсан 928 обьектод шалгалт оруулж, дүнг Засгийн газар, УИХ-д танилцуулах үүрэг өгсөн юм. Төрийн өмчийн хорооноос 2018-2020 онд хувьчлах үндсэн чиглэл батлах тухай бичгийг Засгийн газарт ирүүлсний дагуу энэхүү ажлын хэсгийг байгуулж байгаа юм байна. Энэ дагуу МИАТ, Монгол шуудан, Мэдээлэл технологийн газар, Хөрөнгийн бирж, Төрийн банк зэрэг 27 компанийг хувьчлах асуудлыг хэлэлцүүлэх чиглэл гарсан.

Тиймээс өмнөх хувьчлалын үр дүнг нэгтгэсний дараа дээрх асуудлыг авч үзэх нь ёстой гэдгийг тэрбээр хэлсэн юм. Тэгвэл Ерөнхийлөгчийн Тамгын газрын дарга З.Энхболд ЗГХЭГ-ын дарга Л.Оюун-Эрдэнэд өөрийн цахим хуудсаар дамжуулж, зөвлөгөө өгчээ. Үүнд, Oyunerdene Luvsannamsrai сайдад өгөх зөвлөгөө “28 жилийн түүхтэй танай намын Ерөнхий сайд (Бямбасүрэн 1990-1992, Жасрай 1992-1996 он) хийсэн ягаан цэнхэр тасалбарын хувьчлалыг шалгаад юм олохгүй.

1996-2000 оны дуудлага худалдаанаас ч гэсэн но олоход хэцүү, чамаас өмнө 20 жил шалгасан юм. Маш их цаг орно, чиний сайд хийх 18 сард лав амжихгүй. Харин сүүлийн гурван жилийн "60 тэрбум", ЖДҮ, "Эрдэнэт 51%, 49%" гээд шалгах ажил зөндөө байна” гэжээ.

Г.Нацаг