НИТХ-ын төлөөлөгчдийн өнөөдрийн хуралдаанаар хотын даргыг тодруулах ёстой. Урьдчилсан байдлаар хотын даргаар С.Амарсайхан тодорно гэсэн таамаг буй. Тэгвэл нэг цагийн завсарлага авсан НИТХ-ын хурлын үеэр С.Амарсайханыг эсэргүүцэгчид үймээн дэгдээсэн бол үүнтэй зэрэгцэн дахин нэг асуудал үүссэн юм. Энэ бол өмнөх хурлаар төлөөлөгч С.Мөнхчулуун заалнаас өөрийн нэрээ дэвшүүлсэнтэй адил нийслэлийн иргэн Э.Бямбацэрэн санал хураахаас хэдхэн минутын өмнө өөрийнхөө нэрийг дэвшүүлэх санал гаргасан явдал. Хэрвээ Э.Бямбацэрэнгийн нэрийг дэвшүүлбэл төлөөлөгчдийн санал хуваагдах эрсдэлтэй. Тиймдээ ч тэр үү, хурал даргалагч Б.Батнасан ямар нэгэн санал хураалт явуулалгүйгээр түүний нэрийг дэвшүүлэхээс татгалзсан юм. Ингэснээр нийслэлийн иргэдийг алагчиллаа гэх асуудал үүсч, мөн л багагүй маргаан үүсгэсэн. Ямартайч У.Хүрэлсүхийн фракцийнхан хотод “туг”-аа мандуулах уу, эсвэл өмнөх дарга С.Батболдын талынхан эцсийн “цайз”-аа хамгаалах уу гэдгийг шийдэх санал хураалт удахгүй эхлэх болно.

Г.Алимаа