УИХ-ын дарга Г.Занданшатар Өвөрхангай аймагт ажиллаж байна. Тэрбээр иргэдийн санал хүсэлтийг сонсохоор 21 аймагт ажиллаж буй юм.

Түүнтэй хамт Улсын Их Хурлын гишүүн, Улсын Их Хурал дахь МАН-ын бүлгийн дарга Д.Тогтохсүрэн, Улсын Их Хурлын гишүүн, Хөдөлмөр, нийгмийн хамгааллын сайд С.Чинзориг, Боловсрол соёл, шинжлэх ухааны дэд сайд Г.Ганбаяр нар орон нутагт ажиллаж байна.

Иргэдийн зүгээс Үндсэн хуульд нэмэлт, өөрчлөлт оруулахдаа “дордуулсан долоон өөрчлөлт”-ийг засах, монгол төгрөгийн ханшийн уналтыг зогсоож, үнийн өсөлтөөс иргэдээ хамгаалах, хувь тэнцүүлсэн тэтгэвэр авдаг эхчүүдийн тэтгэврийн хэмжээг нэмэгдүүлж, бүрэн тэтгэврийн хэмжээнд хүргэх, Жижиг, дунд үйлдвэрийн зээлийн асуудалд орооцолдсон төрийн өндөр албан тушаалтнуудад хариуцлага тооцох нь зүйтэй гэсэн саналуудыг хэлжээ.

Б.Лхам