Хүнс, хөдөө аж ахуй, хөнгөн үйлдвэрийн сайд Ч.Улаан өчигдөр Бельгийн хаант Улсаас хавсран суух Элчин сайд Марк Хюго Тересе Винкийг хүлээн авч уузлаа.
Уулзалтаар ХХААХҮ-ийн сайд Ч.Улаан Монгол-Бельгийн хүнс, хөдөө аж ахуйн салбарын хамтын ажиллагааг өргөжүүлэн хөгжүүлэхэд анхаарал хандуулан ажиллаж байгаад гүн талархал илэрхийлж, салбарын бодлогын талаар мэдээлэл өгсөн юм.
Мөн хүнсний бүтээгдэхүүн үйлдвэрлэл, хүнсний аюулгүй байдлын чиглэлд хамтран ажиллах боломжтой талаар харилцан ярилцаж, салбарын хамтын ажиллагааны механизмыг бий болгох, ингэхдээ хамтарсан төлөвлөгөө боловсруулан, яамд хоорондын хамтран ажиллах харилцан ойлголцлын санамж бичиг байгуулах нь зүйтэй гэсэн шийдэлд хүрчээ.
Энэ хүрээнд Бельгийн төрийн болон хувийн хэвшлийн мэргэжилтнүүдийн багийг Монгол Улсад ажиллуулах саналыг Бельгийн Элчин сайд Марк Хюго Тересе Винк дэвшүүлж, уг ажлыг хамтран зохион байгуулахаар тохиролцсон байна.
