МҮХАҮТ-ын ээлжит ХХ их хурал өчигдөр эхэлж, танхимын 2015-2019 оны үйл ажиллагааны тайлан, шинэ удирдлагыг сонгох асуудлыг авч хэлэлцсэн. Хурал шөнө дөл хүртэл үргэлжилж, 800 төлөөлөгчдөөс ил санал хураалтаар ирэх дөрвөн жилд Монголын бизнес эрхлэгчдийг удирдах хүнээ сонгосон байна. МҮХАҮТ-ийн Ерөнхийлөгчид О.Амартүвшин, Б.Лхагважав, Ч.Ганхуяг, Б.Жаргалсайхан, С.Түмэнгэрэл нарын таван хүн заалнаас нэр дэвшиж өрсөлдснөөс "Өгөөж" ХК-ны зөвлөх С.Түмэнгэрэл нэрээ татаж, үлдсэн дөрвөн нэр дэвшигчдээс олонхын саналаар UFC группийн ерөнхийлөгч О.Амартүвшин ялалт байгуулж ,Ерөнхийлөгчөөр сонгогджээ.

Монголын Үндэсний Худалдаа Аж Үйлдвэрийн Танхим нь 21 аймагт салбартай, 25 оронд төлөөлөгчтэй, 100 гаруй орны 126 байгууллагатай хамтран ажилладаг, 3500 гаруй гишүүнтэй томоохон байгууллага юм.