“Хөдөлмөрийн тухай хуулийн шинэчилсэн найруулгын төсөл”-ийн хэлэлцүүлэг ажил олгогч, эрдэмтдийн саналаар үргэлжилж байна. Энэ үеэр “Буян” компанийн захирал Б.Жаргалсайхан “Монгол ажилчид цагт таван цамц оёж байхад Солонгос ажилчид цагт 10 цамц оёж байна. Аргаа ядаад Солонгос ажилчид авчирсан. Гадаадад очиж ажиллахаараа толгой өндийх завгүй ажиллаж байж 1200 ам.доллар авдаг. Хүйтэн контайнер дотор унтаж, долоо хоногийн долоо хоног 14 цагаар ажилладаг. Гэтэл Монголдоо ирээд 8-9 цаг ажилчихвал хүний эрх яриад хэвтэх юм. “Танайд ямар ажил байна”, “Би ямар ажил хийх үү” гэж асуухын оронд “Хэдэн төгрөгийн цалин өгөх юм бэ” гэж асуудаг.
Энэ хөгжингүй орнуудыг дуурайхаа больцгооё. Хүн хөнжлийнхөө хэрээр хөлөө жийдэг юм. 1930, 1940 онд Солонгос Улс яг л ийм л байсан. Хүн жаргал даадаггүй юм гэнэ лээ. Гэтэл монголчууд дуусдаггүй олон баяртай. Социалист нийгмийн үед ийм байгаагүй. Хөдөлмөрлө бас дахин хөдөлмөрлө л гэдэг лоозонтой байсан. Би ч гэсэн энэ үгийг хэлчихэе. Хөдөлмөрийн гэрээнд ажил олгогчдын эрх ашгийг нэгдүгээрт тавъя.
Уг нь мөнгөтэй хүн нь мөнгөгүй хүндээ санал тавьдаг юм билээ. Худлаа баахан хүнийг хөөрөгдөж ажил хийх хүн алга. Солонгост ажиллахдаа нусаа хацартаа наачихсан хүн танихын аргагүй болдог хэрнээ энд ирэхээрээ бүгд дарга болчихдог. Монголд ажил хийдэг хүн алга. Эрчүүд нь архичин, эмэгтэйчүүд нь биеэ үнэлэгч боллоо” гэв.
Б.Лхам
Сэтгэгдэл (47)