Шүүхийн шийдвэр гүйцэтгэх ерөнхий газрын дарга, бригадын генерал Ц.Амгаланбаяр өнөөдөр үүрэгт ажлаасаа чөлөөлөгдөх хүсэлтээ өгсөн тухай мэдээлэл гарсан. Үүнтэй холбогдуулан түүнээс цөөн зүйл тодрууллаа.

-Таныг ажлаа хүлээлгэж өгөхөөр өргөдлөө өгсөн гэх мэдээлэл байна. Энэ үнэн юм уу?

-Үнэн.

-Ямар шалтгаанаар ажлаа өгч байгаа юм бэ?

-Тэрийг одоо хэлмээргүй байна.

-Цагдан хорих 461 дүгээр ангид амиа алдсан шүүгчийн асуудлаас болж ажлаа өгөхөөр болсон гэх юм. Энэ үнэн юм уу?

-Энэ талаар ярьмааргүй байна. “Хааны алба халаатай” гэдэг байх аа. Ном журмынхаа дагуу ажлаа хүлээлгэж өгч байна. Миний ажлаа хүлээлгэж өгөх эсэх нь хүмүүст нэг их сонин биш байх. Албан тушаалыг авах нэг өдөр байхад хүлээлгэж өгөх өдөр байх ёстой биз дээ.

Г.Нацаг