Ерөнхий сайд У.Хүрэлсүхийн урилгаар БНСУ-ын Ерөнхий сайд Ли Хан Ёнг-ийн Монгол Улсад хийж буй албан ёсны айлчлал хийж байна. Ерөнхий сайд У.Хүрэлсүх 09.00 цагт ноён Ли Хан Ёнг-ийг Д.Сүхбаатарын талбайд угтаж, хоёр Ерөнхий сайд Чингис хааны хөшөөнд цэцэг өргөн хүндэтгэл үзүүлсэн юм.

Тэд дурсгалын зураг татуулсны дараа Төрийн ордны ёслол хүндэтгэлийн өргөөнд гарцаарчилсан уулзалт хийсэн бөгөөд үргэлжлүүлэн Монгол, Солонгосын Ерөнхий сайд нар албан ёсны хэлэлцээ хийлээ. Энэ хүрээнд ирэх жил Стратегийн түншлэлийн харилцаагаа нэг шат ахиулахаар тохиролцлоо. Мөн 10 аймагт 300 сая долларын буцалтгүй тусламжаар дулааны цахилгаан станцийн ажил хийгдэж буйг яаравчлуулахаар болсон байна.

Үүнээс гадна 500 сая ам.долларын хөнгөлөлттэй зээлийн хүрээнд Сонгинохайрхан дүүрэгт  Солонго 1, 2 хорооллыг барина. Ингэснээр 1,500 айл түрээсийн орон сууцанд орох боломжтой болох юм байна. Мөн Стратегийн түншлэлийн хүрээнд Визгүй зорчих асуудлыг судалж, шийдвэртэй ажиллахаа БНСУ-ын Ерөнхий сайд илэрхийлсэн байна.

С.Сүлд