“ЖДҮ-д нэр холбогдсон 49 гишүүн хэн байв” хэмээн ЖДҮХС-гаас хамаарал бүхий компаниараа дамжуулан зээл авсан, зээл олгохыг дэмжиж хүсэлт гаргасан гишүүдийн талаарх мэдээлэл өнөөдөр зарим хэвлэлээр гарсан билээ. Тэдгээр гишүүний дунд УИХ-ын гишүүн С.Бямбацогтыг “Цант Алтай” компанитай хамаарал бүхий хэмээн нийтэлсэн юм.

Энэ талаар түүнээс тодруулахад “Цант Алтай” ХХК-тай ямар ч хамааралгүй. Ховдод хийж байгаа сайн муу бүх зүйлийг надтай холбох гэж оролддог. Ховдод сүүний ферм эрхэлдэг хоёр компани байдаг. Энэ компани нь түүний нэг юм байна. Ховд аймаг Улаанбаатар хотоос 1500 км-ын зайд оршдог. Цемент, гурил, сүү зах зээлийн үнэнээс хоёр дахин их үнээр зарагддаг. Тиймээс энэ асуудлыг шийдэх гэж үйлдвэрлэл явуулдаг. Энэ компани ЖДҮХС-аас зээл авсан юм байна лээ. Гэхдээ зээл авахад нь би зуучилж өгөөгүй, надтай хамааралгүй” гэсэн юм.

Р.Хишигжаргал