УИХ-ын гишүүн Ж.Батзандан цаг үеийн асуудлааар мэдээлэл хийлээ.

Тэрбээр "Хаврын чуулган улс төр, нийгмийн амьдралд ямар өөрчлөлт гарах бол хэмээн сонирхож байгаа байх. Хаврын чуулганаар хэлэлцэх асуудлын жагсаалтад олон чухал орсон байна.

Тухайлбал, Эрүүгийн болон эрүүгийн хэрэг хянан шийдвэрдэх тухай хууль, Зөрчлийн тухай хууль, Хөдөлмөрийн хуулийн шинэчилсэн найруулгын төслийг хэлэлцэхээр товлогдсон. Энэ удаагийн чуулганаар Захиргааны эрхзүйн тухай хуульд нэмэлт өөрчлөлт оруулахаар тусгагдсан. Үүнээс гадна иргэдийн сонирхож байгаа хууль нь Үндсэн хуульд нэмэлт өөрчлөлт оруулах тухай хуулийн төслийг хэлэлцэнэ. Хэрвээ Үндсэн хуулийн нэмэлт өөрчлөлтийг хэлэлцээд эхлэх юм бол 45 хоног тасралтгүй хэлэлцэх хуулийн заалттай.

Татвартай холбоотой хэд хэдэн хуулийн төсөл орж байна үүнийг та бүхэн сайн анхаараарай" гэлээ. Түүнчлэн "УИХ-д нэг чухал ажлын хэсэг байгуулагдсаныг өмнө нь мэдээлж байсан. Энэ ажлын хэсгийг УИХ-ын Х.Нямбаатар тэргүүлж би ахлаж байгаа. Бидэнд буюу ажлын хэсэгт хандаж УИХ-ын гишүүдтэй холбоотой болон Их Хуралтай холбоотой бусад өргөдөл гомдлоо ирүүлээрэй. С.Зоригийн амь насыг хөнөөсөн хэрэгтэй холбоотой хэдэн зүйлийг хэлье. Эрүүдэн шүүх ажиллагаа хэзээ эхэлсэн бэ, хэний үед байсан бэ гэдгийг монголчууд мэднэ.

Тухайн үед С.Зориг агсны хэрэгт Т.Чимгээ, Д.Содномдаржаа нарыг эрүүдэн шүүж байсан үе нь 2014-2015. Зарим хуульчид прокурорын мөрдөнг татан буулгаснаас болж эрүүдэн шүүдэг болсон гэж андуурч байна.

Монгол Улс 2002 онд Эрүүдэн шүүхийн эсрэг конвенцид нэгдсэн. Энэ конвенц 1996 онд батлагдсан. Манай улс 1992 оны Үндсэн хуульд эрүүдэн шүүхийг хориглосон.

Түүнээс биш 2014 онд гарсан хуулиас болж эрүүдэн шүүхийг Монгол Улс зөвшөөрсөн мэтээр ярьж байгаа эргүү хуульчдад хуулиа унш гэж хэлье. Монгол Улсын нэгдэн орсон конвенц бүр Монгол Улсын хуультай адил хүчинтэй байдаг" гэлээ.

Мэдээллийн үеэр тэрбээр "Л.Болд гишүүн бид хоёр намаасаа хөөгдсөн учир бие даагч гишүүдийн байр суурьнаас УИХ-д үйл ажиллагаанд хандана" гэдгээ ч мөн илэрхийллээ.

Р.Хишигжаргал