Ерөнхийлөгч Х.Баттулга зарлиг гаргаж Улсын ерөнхий прокурорын орлогч Б.Амгаланбаатарыг үүрэгт ажлаас нь огцруулжээ. 

Тэрбээр Ерөнхийлөгчийн тухай хуулийн 9 дүгээр зүйлийн 1, Прокурорын тухай хуулийн 46 дугаар зүйлийн 46.6.4, Монгол Улсын Үндэсний аюулгүй байдлын зөвлөлийн 2019 оны 10/09 дугаар зөвлөмжийг тус тус үндэслэжээ.

Б.Амгаланбаатарыг огцруулсан тухай Монгол Улсын Ерөнхийлөгчийн зарлигийг Монгол Улсын Ерөнхийлөгчийн Тамгын газрын дарга З.Энхболд Улсын Ерөнхий прокурорын газрын албан хаагчдад өнөөдөр танилцуулжээ.

Улсын ерөнхий прокурорын орлогчоор ажиллаж байсан Б.Амгаланбаатар нь ЖДҮ-ээс хоёр удаа зээл авсан асуудалд холбогдоод байсан юм.

С.Сүлд