Ерөнхийлөгч Х.Баттулга зарлиг гаргаж Улсын ерөнхий прокуророор ажиллаж байсан М.Энх-Амгалан, орлогч Г.Эрдэнэбат нарыг чөлөөлсөн билээ. Улмаар Улсын ерөнхий прокурорт Б.Жаргалсайханы нэрийг дэвшүүлж зөвшилцөхөөр санал хүргүүлснээр өчигдөр нээлтээ хийсэн хаврын ээлжит чуулганаар хэлэлцэж гишүүдийн олонхи дэмжсэн юм. Прокурорын байгууллагад 30 гаруй жил ажилласан намтартай Б.Жаргалсайхан прокурорыг гишүүдийн зүгээс дэмжиж байгаагаа илэрхийлж, нийгэмд үүсээд байгаа томоохон хэргийн талаар асуулт асууж, хариулт авсан юм. Тэдгээр асуултад өчигдөр орой Ерөнхийлөгчийн зарлигаар үүрэгт ажлаа хүлээж авсан Б.Жаргалсайхан прокурор хэрхэн хариулсныг хүргэж байна.

-Эрүүдэн шүүсэн гэх асуудлыг хэвлэлийн мэдээллээр гарсан  хэмжээнд байгаа учраас дэлгэрэнгүй ярих боломжгүй. Эрүүдэн шүүхтэй холбоотой гарсан асуудлыг нотлох баримтын хэмжээнд буулгаж авах ёстой. Энэ үндэслэлээр прокурор Дээд шүүхэд өргөдөл бичнэ. Бичлэгийн хүрээнд тодорхой хэмжээний мөрдөн байцаах ажиллагаа явагдана. Хуулийн хүрээнд ил гаргах зүйлсийг нь ил гаргана. 

-Хүний нэр хүндэд халдах, гүтгэх явдал их гарч байгаа нь үнэн. Цаашид ч өсөх хандлагатай байна. Зөрчлийн хуулиар зохицуулдаг. Хуулийн байгууллагын бүтцийн тухайд гэвэл би зөвхөн Прокурорын байгууллагын бүтцийн асуудлыг ярих боломжтой.

 

-Нийгмээрээ бүх  талын хариуцлагыг нэхэж байна. Прокурорын байгууллагын дэргэд өмнө нь Мөрдөн байцаах алба гэж байсан. Үүнийг дахин сэргээх эсэх эрх нь та бүхэнд бий.

Харьяа чиглэлийн тухайд  прокурорын байгууллагын дэргэд мөрдөн байцаах алба байх нь зөв.

-Би 30 гаруй жил прокурорын байгууллагад ажиллаж байна.  Би шударга байх, хуулийнхаа хүрээнд ажиллах зарчмыг барьж ажиллаж ирсэн. Манай прокурорын байгууллага энэ хүрээнд ажиллаж ирсэн. Магадгүй хууль бус ажилласан асуудалд прокурорын дотоодыг хариуцсан газар хариуцан ажилладаг. Хүний нэр хүндэд халддаг зүйл их болж. Нийгэм хар зүйл рүү хошуурдаг болжэ. Хэргийг үнэн зөвөөр шийдэж, нийгэмд гэрэл гэгээ оруулна гэж бодож байна.

-Шинэчлэн батлагдсан олон хууль байгаа. Зөрчил хянан шалгах ажлынхаа хүрээнд ярья. Зөрчлийн хууль батлагдсанаас хойш үүсч байгаа асуудал бий. Зөрчлийн хэргээр шалгагдаж байгаа хүнд ашигтай заалт ч бий. Үүнийг өөрчлүүлэхээр бид ажиллаж байгаа.

-Хүндрэл бэрхшээл гэхээсээ илүү хуулийг нэг мөр ойлгож хэрэглэх нь чухал. Үүнийг цэгцлээд ирвэл хуульд өөрчлөлт оруулах эсэх нь тодорхой болоод ирнэ. Зөрчлийн тухай хуультай холбоотой санал прокурорын нэгж байгууллагаас ирдэг. ХЗДХЯ-ны ажлын хэсэг энэ дээр ажиллаж байгаа гэж ойлгосон.

-9-10 жилийн хугацаанд прокурор залуужсан. Тухайлбал, миний насны хүн маш цөөхөн хувийг эзэлдэг болсон. Тийм учраас чадавхыг нэмэгдүүлэх тал дээр бид дотооддоо, төр засгийн хэмжээнд хүсэлт тавьж шийдвэрлэх асуудал байгаа. Ялангуяа санхүү, эдийн засагтай холбоотой асуудал дээр мэргэшүүлэх асуудал ч бий.

-Сүлжээний прокурор, шүүгч гэж ярьдаг. Хэвлэл мэдээллээр яригддаг сүлжээний гэх хэргүүдийг шийдсэн байдлыг дахин шалгаж үзэх нь зүйтэй байх.

Г.Сонор