УИХ, Засгийн газрын гишүүд 2018 оны хөрөнгө оруулгын мэдүүлгээ АТГ-т тайлагнажээ. Ингээд Засгийн газрын гишүүдийн ХОМ-ыг онцлон хүргэж байна.

Ерөнхий сайд У.Хүрэлсүх 1.6 тэрбумын хадгаламжтай: Монгол Улсын Ерөнхий сайд У.Хүрэлсүхийн өөрийн орлого 160.7сая төгрөг. Тэрбээр 162 сая төгрөгийн үнэтэй нэг орон сууц, нэг зуслангийн байшинтай.

Мөн 284 сая төгрөгийн үнэтэй Mercedes Benz, ML320, Harley Davidson, Harley Davidson, Lexus-570 машинтай. Үүнээс гадна 100 сая төгрөгийн үнэ бүхий үнэт эдлэлтэй бол дотоодын банк, санхүүгийн байгууллагад байрлах дансандаа 1 тэрбум 694 сая 829 мянган төгрөгтэй. Мөн Эрдэнэс Тавантолгой ХК, Аялал жуулчлалын Илт Хан ХХК-д тус тус хувьцаа эзэмшдэг.

Л.Оюун-Эрдэнэ сайд 232.7 сая төгрөгийн орлоготой: ЗГХЭГ-ын дарга Л.Оюун-Эрдэнийн өөрийн орлого 232.7 сая төгрөг бол гэр бүлийн нийт орлого 10 сая төгрөг юм байна. Тэрбээр 210 сая төгрөгийн үнэтэй нэг орон сууцтай бөгөөд 33 сая төгрөгийн үнэтэй Toyota Highlander машинтай. Үүнээс гадна хонь-110, ямаа-140, хурдан удмын адуу-5, үхэр-60, адуу-15 гэжээ. Мөн 60 сая төгрөгийн үнэ бүхий үнэт эдлэлтэй бол дотоодын банк, санхүүгийн байгууллагад байрлах дансандаа 112.9 сая төгрөгтэй. Түүнчлэн “Херо энтертайнмент групп" ХХК-ийн 50 хувь “Хүлэг контент ХХК”-ийн 100 хувийг эзэмшдэг.

Ё.Баатарбилэг сайд 20 сая төгрөгийн зээлтэй: БСШУС-ын сайд Ё.Баатарбилэгийн өөрийн орлого 22.7 сая төгрөг бол гэр бүлийн нийт орлого 53.2 сая төгрөг. Тэрбээр 330 сая төгрөгийн үнэтэй хоёр орон сууцтай бол 130 сая төгрөгийн үнэтэй Lexus-570 машинтай. Дотоодын банк, санхүүгийн байгууллагад байрлах дансанд 34.3 сая төгрөгтэй бол 20 сая төгрөгийн зээлтэй гэжээ.

Ц.Нямдорж сайд 5.6 сая төгрөгийн хадгаламжтай: Хуульзүй, дотоод хэргийн сайд Ц.Нямдоржийн өөрийн орлого 22.7 сая төгрөг бол гэр бүлийн нийт орлого 6.4 сая төгрөг юм байна. Тэрбээр 150 сая төгрөгийн үнэтэй нэг орон сууцтай бөгөөд 29 сая төгрөгийн үнэтэй Toyota Venza маркын машинтай. Мөн 7 сая төгрөгийн үнэ бүхий үнэт эдлэлтэй харин дотоодын банк, санхүүгийн байгууллагад байрлах дансандаа 5.6 сая төгрөг. Тэрбээр Эрдэнэс Тавантолгой ХК-д 2144 ширхэг хувьцаа эзэмшдэг.

Д.Сарангэрэл сайдын гэр бүл 566.8 сая төгрөгийн орлоготой: Эрүүл мэндийн сайд Д.Сарангэрэлийн өөрийн орлого 27.5 сая төгрөг бол гэр бүлийн нийт орлого 566.8 сая төгрөг. Тэрбээр 677 сая төгрөгийн үнэтэй хоёр орон сууц, хоёр үйлчилгээний зориултын байгууллагатай бол 68 сая төгрөгийн үнэтэй Suzuki Grand Vitara, Audi машинтай. Мөн дотоодын банк, санхүүгийн байгууллагад байрлах дансандаа 487.2 сая төгрөгтэй. Үүнээс гадна Стимо ХХК, Концепт сити ХХК, Гэгээн секюритиз ХХК, Гэгээн далай ХХК, Брават Монголиа ХХК, Гэгээн Концепт ХХК зэргийг эзэмшдэг.

Д.Сумъяабазар сайд 183.5 саяын зээлтэй: УУХҮ-ийн сайд Д.Сумъяабазарын өөрийн орлого 18.5 сая төгрөг бол гэр бүлийн нийт орлого 6.8 сая төгрөг юм байна. Тэрбээр 1.9 тэрбум төгрөгийн үнэтэй хоёр орон сууцтай бөгөөд 250 сая төгрөгийн үнэтэй Lexus-570 машинтай. Үүнээс гадна хонь-220, адуу-278 гэжээ. Мөн 563 сая төгрөгийн үнэ бүхий үнэт эдлэлтэй, дотоодын банк, санхүүгийн байгууллагад байрлах дансандаа 183.5 сая төгрөгтэй. Харин 183.5 төгрөгийн зээлтэй гэж мэдүүлжээ. Үндэсний Хөрөнгө Оруулалтын банк ХХК, Нэйшнл Фанд Менежмент ХХК, Эрдэнэс таван толгой ХК, Баянгол Зочид буудал ХК-д тус тус хувь эзэмшдэг.

Н.Н.Цэрэнбат сайд 1 тэрбумын үнэт эдлэлтэй: Байгаль орчин, аялал жуучлалын сайд Н.Цэрэнбатын өөрийн орлого 23.8 сая төгрөг бол гэр бүлийн нийт орлого 61.3 сая төгрөг. Тэрбээр 934.2 сая төгрөгийн үнэтэй гурван орон сууц, нэг зуслангийн байшинтай бөгөөд 286 сая төгрөгийн үнэтэй Lexus RX 400, Toyota Land Cruiser 200 машинтай хэмээжээ. Үүнээс гадна адуу-30 гэжээ. Мөн 1 тэрбум 80 сая төгрөгийн үнэт эдлэлтэй. Дотоодын банк, санхүүгийн байгууллагад байрлах дансандаа 100.7 сая төгрөгтэй бол 749.5 сая төгрөгийн авлагатай. Хан империал ХХК, Жи Эс проперти ХХК, Герман стандарт констракшн ХХК, Герман Стандарт цонх хаалга ХХК, Тулгуур импекс ХХК, БМТБ ХХК, Жи Эс Катеринг ХХК, Эм Эйч Девелопмент ХХК, Голден бизнес девелопмент ХХК, Хеликс Монголиа ХХК, Юнайтед фүүдс корпораци ХХК, Трансинконсулт ХХК, Юу Эф Си Трейд ХХК, Хөх Тэнгэр Интернэшнл ХХК, Эрдэнэс Таван Толгой ХК, Газар Ундарга ХХК, Радуга фейшн ХХК, Азийн Дата Сентр ХХК, Мэйн структур ХХК, Бест структур ХХК, ВЖВМ ХХК, Хархираан хөгжил инвест ХХК, Уран оньс ХХК, Бик инк ХХК, Герман Стандарт ХХК-д тус тус хувь эзэмшдэг.

Ч.Хүрэлбаатар сайд гадаадын банканд 328.8 сая төгрөгийн хадгаламжтай: Сангийн сайд Ч.Хүрэлбаатарын өөрийн орлого 29.2 сая төгрөг бол гэр бүлийн нийт орлого 93.8 сая төгрөг. Тэрбээр 313.5 сая төгрөгийн үнэтэй гурван орон сууц, нэг зуслангийн байшин, нэг авто гражтай. Үүнээс гадна 15 сая төгрөг үнэ бүхий үнэт эдлэлтэй. Мөн дотоодын банк, санхүүгийн байгууллагад байрлах дансанд 181.9 сая төгрөгтэй бол гадаадын банк, санхүүгийн байгууллагад байрлах дансанд 328.8 сая төгрөг хэмээн мэдүүлжээ. Эрдэнэс Таван Толгой ХК-д 1072 ширхэг хувьцаа эзэмшдэг.

Ч.Улаан сайд 1.4 тэрбумын үнэтэй гурван орон сууцтай: ХХААХҮ-ийн сайд Ч.Улааны өөрийн орлого 45.3 сая төгрөг бол гэр бүлийн нийт орлого 52.8 сая төгрөг. Тэрбээр 1 тэрбум 445 сая төгрөгийн үнэтэй гурван орон сууц, нэг зуслангийн байшин, нэг үйлжилгээний газар, нэг гэртэй. Мөн 20 сая төгрөгийн үнэтэй Mercedes Benz GLK300 машинтай. Үүнээс гадна үхэр-14, хонь-300, тахиа-15, адуу-250 гэжээ. Мөн 80 сая төгрөгийн үнэ бүхий үнэт эдлэлтэй, дотоодын банк, санхүүгийн байгууллагад байрлах дансандаа 1.3 сая төгрөгтэй бол 210.5 сая төгрөгийн зээлтэй. НИК ХК, Монголын Цахилгаан Холбоо ХК, Багануур ХК, Женко тур ХК, Төрийн банк ХК-д тус тус хувь эзэмшдэг.

С.Чинзориг сайд 91 сая төгрөгийн орон сууцтай: Нийгмийн хамгаалал, хөдөлмөрийн сайд С.Чинзоригийн өөрийн орлого 24.3 сая төгрөг бол гэр бүлийн нийт орлого 31 сая төгрөг. Тэрбээр 91 сая төгрөгийн үнэтэй нэг орон сууц, нэг авто гражтай. Мөн 25 сая төгрөгийн үнэтэй Volkswagen Touareg машинтай. Үүнээс гадна хонь-160, адуу-30 гэжээ. Мөн 16 сая төгрөгийн үнэ бүхий үнэт эдлэлтэй, дотоодын банк, санхүүгийн байгууллагад байрлах дансанд 10.4 сая төгрөгтэй. Эрдэнэс таван толгой ХК-д 3216 ширхэг эзэмшдэг.

Шадар сайд Ө.Энхтүвшин 490 сая төгрөгийн зээлтэй: Түүний өөрийн орлого 25.6 сая төгрөг бол гэр бүлийн нийт орлого 185.5 сая төгрөг. Тэрбээр 900 сая төгрөгийн үнэтэй нэг орон сууц, нэг зуслангийн байшинтай бөгөөд 200 сая төгрөгийн үнэтэй Lexus 570 машинтай. Үүнээс гадна хоёр хурдан удмын адуутай гэжээ. Мөн 50 сая төгрөгийн үнэ бүхий үнэт эдлэлтэй, дотоодын банк, санхүүгийн байгууллагад байрлах дансанд 1.7 сая төгрөгтэй бол 490 сая төгрөгийн зээлтэй. “Собу ХХК”-д хувь эзэмшдэг.

Р.Хишигжаргал