Ингэж гарчиглах болсон нь шалтгаантай юм. Учир нь, С.Эрдэнэ даргатай АН-ынхан 2020 оны сонгуулиас өмнө хэд хэдэн томилгоо хийж, шагнал гардуулав. Тэгэхдээ АПУ-ийн хамаарал, бүхий хоёр ч хүнийг томоохон албан тушаалд томилсноо зарлав. Уг нь чөлөөт ардчилсан нам л даа. Үг хэлэх, үйлдлээ үргэлж ил тод явуулдаг тэд УИХ-д ердөө есхөн суудал авсан юм. С.Эрдэнийг дарга болж, түүнийг энэ бүх "дектатур”-аа тогтоох явцад. Одоо бол засварлага авах эрх ч үгүй долоохон гишүүнтэй үлджээ.

Төлөөлөгч П.Батчимэгийг намынхаа дээд одонгоор шагнах болсон шалтгаанаа “П.Батчимэг нь Нийслэлийн Хан-Уул дүүргийн иргэдийг төлөөлөн гурав дахь удаагаа сонгогдон НИТХ-ын төлөөлөгчөөр ажиллаж байгаа бөгөөд түүний Монгол улсын хөгжил цэцэглэлт, УБ хотын бүтээн байгуулалтад оруулсан хувь нэмэр, шийдвэр гаргах түвшин дэх эмэгтэйчүүдийн оролцоог нэмэгдүүлэхэд өөрийн бүхий л хүч бололцоог дайчлан ажиллаж байгаа гэж АН-ын удирдлага дүгнэсэн байна.” гэжээ. АН-ын албан ёсны сайтад юм.

Харин УИХ-ын дэд дарга асан Г.Батхүүг АН-ын дэд даргаар томилсон хийгээд гол шалтгааныг нь дурдаагүй бололтой. Эндээс нэг гаргалгаа гарч ирнэ. Тэр нь Ардчилсан нам АПУ-д ямар өртэй вэ?. Арвин түүхтэй намын дэд даргаар ахыг нь томилж, дүүг нь дээд одонгоороо шагнаснаас харахад шүү дээ.

Жил бүр шалгаруулдаг "Топ-100" аж ахуйн нэгжийн эхний аравт АПУ групп багтдаг уу, мэдээж тийм. Түүгээрээ олон мянган төрийн албан хаагчийн цалинг "тавихад" нөлөө үзүүлдэг байх. Харин ахыг нь намынхаа дэд даргаар томилж, дүүг нь тэргүүн дээд одонгоороо шагнаснаас харахад АПУ групп АН-д ямар нэгэн байдлаар өртэй юм, түүнийгээ төлж байгаа юм шиг харагдаж байна.

С.Сүлд