Хэнтий аймгийн 42 дугаар нөхөн сонгуульд нэр дэвшигч, намуудыг бүртгэх үйл ажиллагаа дууслаа. Уг сонгуульд оролцохоор улс төрийн найман нам бүртгүүлсэн юм. Ингээд сонгууль хэрхэн явагдах талаар Сонгуулийн ерөнхий холбооны Ажлын албаны дарга Д.Баяндүүрэнгээс тодрууллаа.

-Хэнтий аймгийн 42 дугаар нөхөн сонгуулийн намуудын бүртгэлийн талаар мэдээлэл өгнө үү?

-УИХ-ын Хэнтий аймгийн 42 дугаар нөхөн сонгууль ирэх зургадугаар сарын 30-ны өдөр явагдана. Мөн улс төрийн намуудын бичиг баримтаа бүртгүүлж өгөа хугацаа өнөөдрөөр дууссан. Одоогийн байдлаар улс төрийн найман нам бичиг баримтаа бүртгүүлсэн. Мөн Сонгуулийн тухай хуульд заасны дагуу Үндсэн хууль болон бусад хууль тогтоомжийг мөрдөж ажиллана гэдгээ илэрхийлж байна. Сонгуулийн ерөнхий хорооноос ирэх сарын 5-ны дотор намуудын ирүүлсэн бичиг баримтыг шалгаж, шийдвэр гаргах ёстой.

-Бие дааж нэр дэвшигчийг хэзээ бүртгэх вэ?

-Намуудыг бүртгэж дууссаны дараа сонгуульд оролцох нэр дэвшигчдийг тодруулах ёстой. Нэр дэвшүүлэх ажиллагаа тавдугаар сарын 24-28-ны хооронд явагдана. Бие даан нэр дэвшигчдийн хувьд ирэх тавдугаар сарын 24-30-ны өдрүүдэд тухайн сонгуулийн тойрогт 800-гаас дээш тооны иргэнээс гарын үсэг зуруулах ажил явагдана. Үүний дараа бие дааж нэр дэвшигчдийг Сонгуулийн ерөнхий хороо бүртгэж авна.

-Бие даан нэр дэвшигчийн нам эвслийн нэр дэвшигчтэй хамт бүртгэнэ гэсэн үг үү?

-Нэр дэвшүүлэх хугацааны хувьд хоёр хоногийн хойно явагдана.

-Нөхөн сонгуулийн бэлтгэл ажил хэр явагдаж байна вэ?

-Сонгуулийн хороо бэлтгэл ажлыг хангаж байна. Аймаг, сумдын сонгуулийн хороо байгуулагдан ажиллаж байна. Мөн санал тоолох төхөөрөмжийг бэлтгэх ажиллагаа явагдаж байна. Санхүүжилтийн хувьд асуудал байхгүй.

-Энэ үеэр хэчнээн алба хаагчид ажиллах вэ?

-Аймаг, сумдын сонгуулийн хороо, сумдын хэсгийн хороонд төрийн албан хаагчид ажиллана. Сонгуулийн ерөнхий хороо, Цагдаагийн байгууллагаас аюулгүй байдлыг хангуулж ажиллана. Одоогоор хэчнээн алба хаагч ажиллах тоо гараагүй.

Б.Лхам