УИХ-ын гишүүн Ж.Батзандан, Л.Болд нарын байгуулсан намд С.Жавхлан гишүүн элсэхээ өнөөдөр мэдэгдлээ. Тэрбээр "Өнгөрсөн хугацаанд маш олон иргэдийн санал, хүсэлт ирсэн. Шударга зөв гишүүдтэйгээ хамтар. Чуулганы танхимд ганцаардаж байгааг чинь ойлгож байна гэсэн. Өнгөрсөн хугацаанд би ганцаарлыг их мэдэрлээ. Нийгмийн шаардлагаар энэ хоёр гишүүнтэйгээ тулгын гурван чулуу болж нэгдэж байна" гэлээ.

Харин Л.Болд гишүүн "МАНАН дэглэмийн эсрэг монгол түмний нэгдэл хөдөлгөөн” эрчимтэй өрнөж байна.

Өнөөдөр АТГ-ын дарга солигдож байна. Энэ бол хөдөлгөөний нэг том үр дүн. Хоёрдугаарт, хөдөлгөөнийг төлөөлсөн ажлын хэсэг бүх аймаг, сумдад ажиллаж байна. Маргааш баруун аймагт ажиллана. Үүнээс гадна Шударга эвслийн шинэ намд С.Жавхлан гишүүн нэгдлээ. С.Жавхлан гишүүн нэгдэж байгаад баяртай байна" гэв.

Р.Хишигжаргал