Одоогоос 15 жилийн өмнө Монгол Улсын иргэн Ш.Алтантуяа бусдын гарт зэрлэгээр амиа алдсан билээ. Түүний амь насыг онц ноцтойгоор хөнөөсөн хэрэгтнүүдийн шүүх хурал маргааш Малайзын Куала Лумпурт болно. Энэхүү шүүх хуралд Монгол Улсын Ерөнхийлөгч Х.Баттулга өөрийн зөвлөх Г.Уянгыг оролцохыг даалгасны дагуу талийгаачийн аав С.Шаарийбуугийн хамт Малайз улсыг зорилоо. Энэ талаар Ерөнхийлөгчийн хүний эрхийн зөвлөх Г.Уянга өөрийн фэйсбүүк хуудас аа “Малайзад хэрцгийгээр алуулсан Ш. Алтантуяа бүсгүйн шүүх хуралд оролцуулахаар Ерөнхийлөгч Х.Баттулга Хүний эрхийн зөвлөхөө томилж явууллаа. Бүсгүйн аав С.Шаарийбуу гуайн хамт Улаанбаатараас хөдөлж байна. Монгол Улсын иргэн хаа ч байсан Монгол төрийн хамгаалалтад байх ёстой. Шүүх хурал энэ сарын 6-ны өдөр Куала Лумпурт болно” гэжээ.
Сэтгэгдэл (11)