Байгаль орчин, хүнс хөдөө аж ахуйн байнгын хорооны өнөөдрийн хуралдаанаар тус хорооны даргад УИХ-ын гишүүн Х.Болорчулууныг томилох асуудлыг хэлэлцэж, дэмжлээ. Дэвшүүлэхдээ энэ чиглэлийн мэргэжлийг эзэмшиж, 20 гаруй жил ажилласан туршлагатай учир нэрийг нь дэвшүүлсэн байна.

Энэ үеэр УИХ-ын гишүүн А.Сүхбат: Байгаль орчны нөхцөл байдал өнөөдөр маш хүнд байна. Сумын төвөөс хоёрхон км зайд уул уурхайн олборлолт явуулж байна гэж иргэдээс гомдол ирсэн. Тиймээс Байгаль орчин, хүнс хөдөө аж ахуйн байнгын хороо энд анхаарлаа хандуулж ажиллах ёстой. Энд анхаарлаа хандуулаарай, Х.Болорчулуун гишүүн ээ. Мөн Ноён уулын асуудлыг анхааралдаа авч арга зохих арга хэмжээ авах хэрэгтэй.

Үүнээс гадна онц аюултай хог хаягдлын асуудлаар УИХ-ын гишүүн Х.Болорчулуун: Байгаль орчноо хамгаалах нь Монгол хүний эрхэм үүрэг. Тиймээс Байгаль орчин, хүнс хөдөө аж ахуйн байнгын хороо, холбогдох яам онцгой анхаарч ажиллах ёстой. Ард иргэд хууль бусаар олборлолт хийж байгаа компанитай тэмцээд хүчирдэггүй. Шүүхийн хана мөргөөд буцдаг. Тиймээс хууль, шүүхийг байгууллагуудын солигдож байна. Миний зүгээс ч онцгой анхаарлаа хандуулж ажиллана.

УИХ-ын гишүүн Д.Тэрбишдагва: Байгаль орчин, хүнс хөдөө аж ахуйн байнгын хороо бол Монгол Улсын хүнс, хөдөө аж ахуйтай холбоотой бүхий л асуудлыг хэлэлцдэг том байнгын хороо. Тиймээс энэ хариуцлагатай байнгын хорооны даргаар Х.Болорчулууныг дэвшүүлсэнд харамсаж байна. Энд хамгийн чухал хоёр зүйлийг хэлье. Энэ байнгын хороо ЖДҮ-ийн байнгын хороо болох нь ээ. ЖДҮ-г хариуцдаг байнгын хорооны даргаар ЖДҮ-гээс зээл авсан ашиг сонирхлын зөрчилтэй хүн томилогдох нь. Хоёурдугаарт, Оюутолгойтойн гэрээтэй холбоотой асуудалд ажлын хэсэгт багтсан гишүүдэд албан бичиг өгсөн. Ажлын хэсгийн хуралдаан есөн удаа хуралдахад Х.Болорчулуун гишүүн хоёрхон удаа ирсэн. Тэгсэн хэрнээ өчигдөр “Чи ажлын хэсгийг ахалж чадаагүй, хуралдуулаагүй. Ажлын хэсгийг цуглуулж чадахгүй байна” гэсэн. Оюутолгой, ЖДҮ-д ингэж хариуцлагагүй ханддаг, ашиг сонирхлын зөрчилтэй хүн байнгын хорооны дарга болвол хариуцлагатай хандаж чадах уу.

Үүний хариуд Х.Болорчулуун: ЖДҮ-ийг хариуцсан байнгын хорооны даргаар намайг болох гэж байна гэлээ. ЖДҮ-ээс зээл авахад би нөлөөлөөгүй. Мөн УИХ-ын гишүүний компани ЖДҮХС-аас зээл авч болохгүй гэсэн хууль байхгүй. Гэхдээ надад ямар ч ашиг сонирхлын зөрчил байхгүй. Харин танд байна уу. Таны хамаатан садан байдаг юм уу. “Оюутолгой”-н ажлын хэсэгт 12 гишүүн бий. Үүний долоон гишүүнийг нь хуралдуулж болно шүү дээ гэхэд Д.Тэрбишдагва гишүүн: Ингэж л хариуцлагагүй яриад байгаа хүн дээ.” Оюутолгой” бол дотоод, гадаадыг хамарсан том уурхай. Том байнгын хороог удирдах хүн жижигхэн зүйлээр хэрүүл хийж байгаа юм шиг ярьж болохгүй” гэхэд Х.Болорчулуун гишүүн “Д.Тэрбишдагва гишүүн ажлын хэсэг есөн удаа хуралдсан гэлээ гэхэд Д.Тэрбишдагва гишүүн хариуд нь “Одоо үүгээр хэрүүл хийх гээд яах вэ” гэсэн бол Х.Болорчулуун гишүүн “Ажлын хэсгийн хэсгийн дэд хэсгүүд хуралдсан тоогоо нэмээд хэлээд байх юм” гэв.